All About You and Me

2009年11月9日

2009-11-09T23:35:00.000-08:00

今晚，與你臨睡前講電話，你說了一聲“梗係愛啦”之後，我應聲落淚，因為果一刻真的有點感動，又可能是每月一次的情緒波動令我好感觸吧.. haha。

每逢每月一次的情緒波動，我的感覺都變得好敏感，遇到不開心的事，會覺得更不開心。最近不知怎的，總覺得沒有一件事在自己控制範圍之內，沒有一件事可以settle到，這感覺自考完試之後就更強烈，好冇安全感。知道你愛我，可能係現在唯一可以確定到的事，所以就落淚呱，我也不知曉。

2009年11月8日

2009-11-08T23:34:00.000-08:00

早上八時許起床，因為今天要跟你去山頂吃早餐，真歎。。。

大約十時在香港站等，你遲到呀 !! 最近係你，你居然遲到，今次到我變 “化石” 啦 !
見到面後，我地行了去交易廣場下的巴士總站，乘巴士到山頂。

到達山頂，我倆要急急腳走去super sandwiches 買早餐，因為我地要趕在11時前落order 嘛，如果唔係就變左午餐了，我地點了兩款唔同的早餐 share 食。

吃過美味的早餐後，我地行了一會山頂，看了一些景色，怕了一些照，就下山返回中環了。

回到中環，你說不如去兵頭花園行下，咁我倆就喘哂氣咁行上去動植物公園，我對兵頭花園完全沒有印象，都唔記得小時候有沒有去過，你說噴水池的形狀好經典，現在已經很小有了。我倆在小食亭買了熱狗、奶油多同埋寶鑛力。吃過東西後，再行去睇下d動物，動物園內只有幾款猴子，但我對動物天生真的沒有太大好感，所以好想快點離去，hahaha。但你似乎好有興致呢 !!

離開兵頭花園後，我地乘地鐵回旺角，去了教協買了一些文具、日用品，同埋壽司、生果，便先回你家了。生果是待會拿去媽咪家的。

在你家休息一會後，我地一齊回我媽咪家吃飯，媽媽弄了羊腩煲呢，你吃了兩大碗飯，仲飲了很多湯，很開心你跟我爸媽都談得很好。

晚飯後，坐了一會，吃了一點水果便走了。我倆先去了官塘廣場睇CD套，再到APM睇crocs，你買了寶籃色 + 紅邊的鞋，個款比之前睇的好得多，我都覺得唔錯，你比平時"好快"咁拍板買下這對鞋了，其實買左都幾好呀，你落街、去club house，都唔使成日穿波鞋，多點讓對腳透下氣都好呀，你問我想唔想要一對，可以買一對給我，其實我覺得都好，但係我不懂穿衣去襯這些款的鞋，要再研究一下，不過都係在你offer 還 valid的時候先買回來好些，要粉紅色，還是同你一樣寶籃色好呢 ?

買完東西，你就送我回家了。

2009年11月7日

2009-11-07T23:34:00.000-08:00

下午一時許，你打電話問我何時可出門口，聽罷答道 “吓 ! 我乜都未整喎 ?!”，原來你已經起左身，仲同你媽咪係紅磡飲完茶，所以最後，我只可以說我攪點出得門口就打電話給你。

到我裝身完畢出得門口的時間，已經二時多，再乘巴士到尖吵咀找你，大約已經三時許。你不想在街變化石，所以去了做gym，一邊做gym一邊等我。

見到面後，我地隨即乘小巴往紅磡，因為晚上我會在紅磡參加飲宴，在這之前，我地想行一下街同埋睇戲。但我們到達後才發現，黃埔唯一一間戲院已經關門大吉，所以我地只好乘小巴去又一城行下，去了EXP 吃了下午茶，又薄Pizza、小食，菜同埋兩杯特飲。再行了一會又一城，就乘火車回紅磡了。回到紅磡，再轉乘小巴去黃埔，黃埔真係一個唔太方便的地方，要不停的轉車。由於我還未到飲宴的時間，所以我就先陪你去吃晚飯。

你吃過晚飯後自行回家，我亦要赴宴了。

2009年11月6日

2009-11-06T23:34:00.000-08:00

晚上，你原先放工後還要開夜，但後尾改了星期一才開夜，所以大約八時許，你就打電話問我在哪 ? 最後我地相約係megabox 等，我又從媽咪屋企搭的士去megabox 找你。

由於我已吃晚飯，所以我又係睇住你食，但係又再一次點了太多野食了，有咸肉艐、皮蛋瘦肉粥、生菜、例湯、燒味飯，你又食到好飽飽呢。。。咁當然我都有食d 既。

飯後，我地乘shuttle bus 回德福，再轉乘地鐵各自回家了。

2009年11月5日

2009-11-05T23:35:00.000-08:00

今早，我問你好唔好上學去，你說 “吓 ! 我這個星期也沒有時間接你放學喎 !” 我跟你說：我咁樣問唔係試探你會唔會接我放學，而係我真係考慮緊好唔好返學啫….。為了你日後可以接我放學，咁我唯有繼續努力返學啦，因為miss 左一堂，要跟番個進度實在不易。

晚上上課途中，收到你的sms問我在哪兒 ? 我當然在上課啦.. 你再問我何時下課，我就想你係未會接我放學呢 ? 將近下課的時間，你再 sms 我問我在哪兒 ? 我說我仍未走呢 ? 咁我就 quite sure 你會接我啦… 但你不久再sms 我說你在公司…. 吓 ?? 即係點呀 ? 去九龍灣見你 ??

放學後步出大廈，大廈外面正正有一輪小巴直接去官塘的，我一隻腳搭上小巴了，此時，你從後大叫我個名，著我不要上車，嚇得我 ! 哈哈哈.. 我都估到你係會接我放學架啦… 又扮神秘話自己係公司，你都話你電話冇電啦.. 又點會做緊野的時候不停sms 我，問我location 喎。hehe

與你見面後，你不停跟同事講電話，好像要處理一些重要的事情，最終你要回公司處理呢，但你仍會跟我吃過晚飯才回公司。

我倆由灣仔行去銅鑼灣的澳門茶餐廳食飯，怕點得太多餸吃得太飽，我地只係點了一份茶餐同埋帶子西蘭花，係 ! 冇錯，又係”帶子西蘭花”，your favorite ! hahaha !

接著行了一會街，你就call 的士先車我回家，再車你回公司了。這個星期，你頻頻開夜，要注意身體呀，記得飲些竹蔗水呀 ~~~

2009年11月5日

2009-11-05T23:33:00.000-08:00

昨晚，臨睡前有些作感冒的感覺，但沒有服藥就去睡了，睡了一會，你就打電話給我，我告訴你我覺得好唔舒服，你提我可以沖你上一次買俾我的感冒茶，此時，我才想起自己有感冒茶呢 .. 咁我唯有乖乖起床煲水沖感冒茶了，喝了之後，確是舒服了不少，你說中國的感冒茶真係好叻，我話你仲叻啦，識得之前買定俾我看門口。
今朝醒來，作病的感覺退卻了不少，真的多謝您。
現在，你新office 比以前遠，所以你起床的時間與我相若，我地好似多了一個時間可以傾電話呢... 唔錯唔錯。

2009年11月1日

2009-11-01T23:33:00.000-08:00

今天，你終於考完試啦。咁即係 "可能"你之後會有多一點時間陪我。
晚上，你考完試打電話俾我，說攪掂左啦，我當然替你很高興啦。同時，著你來apm前先查究一下明天返新office 的小巴路線。
大約8時半就見到你啦，由於和花亭太多人，所以我地轉移陣地去了官塘廣場吃上海菜，點了你很喜歡的咸肉豆腐湯、上海粗炒、同埋小籠飽，我沒有吃得太多，只是不停為了添湯、添麵。
我好開心呀，因為之前你同我講話 "想"買王力宏的新碟俾我，我心諗 "又係想咋"，都唔知係未真既，但剛才見到你，你說一考完試就去左買啦，還從背囊拿出dvd給我，多謝你呀，多謝你真的把我放在心上。
飯後，我倆折返apm，買了得意磁石給你就走了。今天要早點回家，因為你明天要去一個新的地方返工，要比平時早起身呢。

2009年10月25日

2009-10-25T23:32:00.000-07:00

今天，約了你媽媽一起吃晚飯。
大約六時許，我到達了你家附近，你從會所出來回家去準備跟你媽媽一起外出吃飯，而我就在商場等你。
見到你的時候，你手上拿著一個袋，袋裡面滿載著你媽媽去美國旅行時買給我的手信，有7樣野咁多呀，真係多謝哂。
接著，我地乘小巴出佐敦，去了有四十幾年歷史的醉瓊樓吃晚飯，我地3個人點了鹽焗雞 (例)、胡椒豬肚湯、東坡肉、豆腐煲、同埋你最喜愛的菜扒牛丸，食完之後真係飽得很厲害呀。
食飽飽，我地3個一起行了永安，都行左成個鐘，你買了個濾水器呢。行完之後，就回你家坐下、食雪糕、睇電影啦~~

2009年10月24日

2009-10-24T23:32:00.000-07:00

一大早起床，我就忙於清理我個書櫃，把多年來所有筆記及課堂派的notes 全部棄掉，數量多到我執"吉"左幾格書格，連負責倒垃圾的阿叔都連聲多謝我。而你就去了拜山。
執到大約4時，才差不多執完，此時，你打電話問我仲有冇力行街，難得你不用溫書，就梗係ok 冇問題啦，我地約左5時許係荃灣等。
到達荃灣後，行了一會商場，我倆就乘巴士轉戰沙田。行了一田，再行了一會新城市廣場，晚飯就係super sandwiches order 了兩份set，都食到好飽飽。因為你想買一個小腰 bag，係一田買又唔太抵，剛巧記起永安做緊減價，所以我地就乘mtr去佐敦行下永安啦。
係永安，我地又搵到同款的袋，但係有唔同的色，仲好啦..唔使又黑色，所以你 "好快" 咁決定買下這個小袋子了。
行完永安，我地就乘小巴回家啦 ~~

2009年10月22日

2009-10-22T23:31:00.000-07:00

我呀 .... 真係好愛你同好有誠意囉，你仲有成個幾月才生日，我已經諗好哂節目同你慶祝啦。
原本，我只係想到時先同你講，叫你執兩件衫出trip，唔話俾你知去邊架，返大陸唔定，去台灣又唔定，好刺激咁。但睇過 d 自由行 package 後又覺得唔係好啱，所以轉為睇下香港有d咩地方好去囉，再睇下d主題公園 packages，睇到眼花撩亂，咁我唯有話你知，等你可以幫手睇埋一份，同埋順便睇下你的preference 係乜囉。。。穿左添。
依家呢，係 book 左香港迪迪尼套票，酒店一晚 + 早餐 + 2日樂園門票，詳情遲d先再講啦。
希望你有一個 "奇妙" 的生日啦。

2009年10月18日

2009-10-18T23:31:00.000-07:00

由於我倆都很疲累，所以睡至中午才起身梳洗，之後我地出了佐敦飲茶。飲茶後，原先我係想回自己家的，因你問回你家坐多一陣可好，我見還有很多時間，都好呀，可以見多一陣嘛。
回到你家，坐在你的梳化，看到天花的水晶吊燈，不經意的說了一句，好想洗下佢，因為水晶燈的水晶太多塵已經不太發亮了，平日你媽在家亦沒可能爬高拆出來洗吧，你見我這樣說，快快口答到 "好呀"，係咁就開始了我不停洗"鑽石"的時間，洗完第一粒，見到水晶的"真身"的時候，真係好興奮架，係 !! 我認我係有點變態，但洗呀洗，興奮的心情亦隨之退卻，因為有好多好多粒"鑽石"要洗囉，都有幾十粒架。
我地倆個一個洗"鑽石"，一個抹個銅架 (d洗銅水好臭呀 !!)，洗完抹乾d水晶再掛回原位，叮 "亮燈"一刻，真係好閃令令呀，兩個人一起做事確實係會快手好多，接著我地再洗埋另外一盞吊燈。你媽媽回來後，見你執拾了這麼多地方，又抹好吊燈，一定很驚訝。
大約4時多，我倆一起行去一期商場買燈泡，買完後，你送我上巴士回媽咪家了，回程時，我打了3通電話給我，我問你係未好唔捨得我。
晚上，你獨自在 food court 吃晚飯，我回到媽咪家吃過飯後，再回到自己家執拾物品，準備出發去你家。在商場會合後，我地買了一些cake回你家慢慢享用。
回你家，一邊吃cake，一邊看 the day after tomorrow，好快就夠鐘睡覺了。

2009年10月17日

2009-10-17T23:31:00.000-07:00

之前一晚，大家各自回家睡覺，今朝一大清早，我就出門去睇醫生、拿衣服去洗、執屋，你就睡至中午，再去剪頸髮。其間，你打電話給我，問我今晚煮多一次飯可好，見係你咋，ok啦。
在旺角 meet 左你之後，我地行左去買了一塊 white board 同埋一些 white board 用的筆，你想有一塊 white board 好耐啦，今次終於買到。隨後再行去街市，買了白菜仔、苦瓜。今次的白菜仔足重多一點，看來上一次我地係被騙了。接著，再返回你家，放下買了的東西，下樓去會所溫書，你就溫書，我就看看報紙、magazine、打機。大約7時，我地就回家煮飯啦。
回到你家，我倆一起洗菜、切瓜、切蒜頭、開罐頭湯、發蛋、拿薑醋解凍、洗米，分工合作，弄好了羅宋湯、苦瓜炒蛋 (你整得好靚呀，一底咁既)、蒜蓉炒白菜仔、薑醋。整完之後，又影了一張大合照。
飯後，我好想睇pride & prejudice，幸好你唔怕悶都陪我睇，睇完再打了一會機，就去睡覺了。

2009年10月15日

2009-10-15T23:30:00.000-07:00

生菜 + 八爪魚丸 + 米粉做早餐係未好好食呢，昨天你說米粉好好味，今天你說係我煮得好食。
晚上，放學後，超頻"能"咁返屋企換衫，又準備去你屋企。今次冇搭的士，係搭小巴去旺角再一齊行番去。

2009年10月13日

2009-10-13T23:30:00.000-07:00

晚上，我要去上課，而你亦工作至九時許，相約遲一點一起去橫綱吃拉麵。
橫綱的拉麵差左呀，沒有之前咁好味，亦沒有了那"疑似"日本人坐陣，師傅們的手勢亦沒有以前那麼一絲不拘，失望呀.....
吃過拉麵，你先送我回家，同樣地我又執拾細軟，準備出發去你家。最奇妙的是我地call taxi，居然個司機係同前2日果個係同一個人咯，又係慢慢咁 (60km/h) "流" 去你屋企。

2009年10月12日

2009-10-12T23:30:00.000-07:00

今天放工後，約了你在你家附近吃晚飯，因你還未放工，所以我在商場行下等你。
八時許，終於見到你了，問你想去那間餐廳吃晚飯或是買餸在你家煮，因為你家還有一些飯、薑醋，所以最後我地決定買一些菜及罐頭湯回你家玩煮飯仔了。
今次，到你負責炒飯呢，又炒得幾好味喎，而炒菜就係我地一齊炒既，但是那罐頭湯俾我地開稀到好淡味囉，原來原裝已經不用開稀的，有別於以前食開果一款。你說偶爾在家煮下飯仔都幾好。
吃完飯，又係你負責洗碗，一起再看一會電視後，我就回家休息了。

2009年10月11日

2009-10-11T23:29:00.000-07:00

一覺醒來，你問先吃東西，還是先開工執野，當然吃東西先啦，要不然那裡來力氣呢。
去了別府點了兩客定食，吃過後，就快手快腳前往麵包店買了一個麵包超人樣的麵包，很似你呢，再到星巴克買了兩個 lamington 就回你家開工了。
繼續撕紙，繼續清掉物品，真的坐到pat pat 痛，期間我地看了 "跟蹤"的VCD，我都話你會喜歡看啦... yeah ~
終於都執好啦... 又pack了好幾袋垃圾，清潔阿姐真係多的你唔少，你再執拾了書枱，我幫你抺了書枱的玻璃，你讚我好快手又抺得乾淨呢。
大概5時，我要回家吃飯了，你送我至巴士站便回家執拾餘下的東西，同埋做 lab。在巴士上，我真的好想睡一下，但你不在我身邊，不敢睡，而且鄰坐的兩位太太談話的聲音實在太大聲了，相信亦無法入睡吧。
好開心晚飯過後又見到你呢，你做完lab，過來找我吃點東西，我地又去了 apm 吃烏冬。吃飽飽後，回我家執拾細軟後，就去你家了，你家的按摩墊真的不錯呢。

2009年10月10日

2009-10-10T23:29:00.000-07:00

早上，弄好我要辦的事情後，打電話給你，看看是否去行街，或是回你家執拾東西，不知怎的你的語氣不太好，有一句沒一句的對答，令我的心沉下了一大半，我都冇做錯事，你為何如此對我喎。
終於都有一個答案，就是先到你家附近的酒樓飲茶，我話去飲茶係因為我想你是喜歡去的，而且你媽媽不在香港，大概你不會一個人去吧，所以提議跟你一起去。見到面的時候，與你的氣氛也不見得好了，我自己的心情也不太好，由於要輪候很多個號碼才到我們，你提議到另一間酒樓飲茶，你先去看看有沒有位，我就留守原先的酒樓看看會否等到位。不一會，你打電話給我，說你在另一間酒樓找到位了，著我行過去找你。該酒樓在商場的另一端，行過去的時候要途經一段維修中的地板，上一次行經的時候，即使好小心，我的腳仍扭了一下，幸好你當時扶著我呢，今次行經的時候，你再次打電話給我著我小心睇路，你懂得這個時候打電話來關心同埋提醒我，我個心已經原諒了你對我態度不好了，很冇用吧，就是嬲不下了你。
飲茶的時候，才還原平時大家的氣氛，沒頭沒腦的，先前都唔知發生咩事。飲完茶，就一起回你家了。
一進屋，到處都是東西，我地先前計劃在你媽媽去旅行期間清掉你好幾箱的物品，我地分工的碎紙，撕紙，掉文件，掉舊的東西，你真的儲存了很多小時候的物件呢，連小學寫的毛筆紙帖簿都有，不斷撕、不斷碎，弄了6、7大袋垃圾，最終我地執拾至凌晨3時還未弄妥呢，我倆都疲憊不堪了。
期間，下午5時多的時候，我地出去了吃龜岭膏、買浴簾、到街市買生果、餸。今天就讓我煮晚飯給你吃吧，問你想吃些什麼，估唔到你的答案如此簡單，我仲想著弄一些相對難一點的，既然你答得咁簡單，我就整給你吃吧，有蕃茄薯仔豬骨湯、蒜蓉白菜仔、午餐肉炒蛋。好好笑... 要寫低一樣野，就係你對舊鞋終於支持不住了，就在我地行緊街市的時候那鞋底幾乎脫掉，害你一拐一拐的就著行回家，試想像一下你個look，兩隻手都拿了餸，行到一拐一拐，仲有一個大肚腩，真係好好笑。
回到你家，我洗菜煲湯，準備晚飯，你就繼續清理物品大行動。不一會，我就弄好晚飯的準備功夫，你說我很快手呢。接著，我再繼續參予清潔大行動，清掉了很多廢紙，pack 了好幾袋垃圾，你又說我快手，我想 ..... 不是我快，而是你慢手慢腳吧。
7時多，我就準備炒餸煮飯，你就仍然繼續執拾物品，不一會，可口的晚飯就準備好了，你吃了很多很多呢，都說了2、3次 "好味"的0既。
不停執不停執，我地執到不時要站起身舒展筋骨，的確很累人呢，結果還剩一箱，都係留待明天繼續吧。

2009年10月5日

2009-10-05T23:28:00.000-07:00

有趣對話一則。
你：(睇緊我篇blog時說) 架車太"櫈"，唔係太"登"。
我：吓.. 即係點寫呀 ? "木" 字邊呀 ?
你："木" 字邊係"橙"，唔係"櫈"呀~
我：咦.. 係喎

2009年10月4日

2009-10-04T23:28:00.000-07:00

星期日的早上，我倆都好早起床，因為今天你媽媽飛去美國，我地去送機。
十時半，我地在東涌會合後，一起乘巴士去機場，上車後，你去放行李，我與你媽媽先坐下，此時你媽媽被坐位前的小梯級絆倒，"嘭"的一聲撞向車身的玻璃，嚇死我 !! 幸好，沒有撞親咋。
到達機場後，與你媽媽的親戚會合後，先去辦理check in 手續，那時才知道旅行社沒有幫你們劃位呢，幸好到最後她們也可以坐單邊位，接著大夥兒到 Terminal 2 的"潮館"飲茶，食物不是太美味，我們亦不是吃了很多。飯後，再返回 Terminal 1，送她們入閘了，你媽媽再三吩咐，叫你每日出門口前記得check 下是否關掉電源同埋水掣，最少講左3、4次，她真的怕你忘掉了呢。
她們入閘後，我倆亦離開機場回東涌了。回到東涌，我地買了旅遊車車票去大佛及回程的昂坪360纜車票，由東涌去大佛的車程需時40分鐘，沿路車子都很"櫈"，差點想嘔呢。
到達目的地後，我們先上香祈求合家平安，接著，由於先前車子太"櫈"，已經加速我們之前吃的食物落格，所以我地先去齋堂吃齋，入齋堂前是先須要購票的，有兩款飯餐選擇，一款係每位 $60 元的普通餐，另一款係每位$100元的豪華餐，你沒有意見隨我選擇，我看餐牌研究食乜好的時候，賣票的職員不斷係你面前說 "一場黎到，食好d啦..."，好像要你係女朋友面對要買個貴一點的餐來賺點面子，但唔好意思，我從來都唔睇這些來斷定你對我好與唔好的，而且我喜歡吃普通餐的餸多一點，所以我們還是要了普通餐呢。
四餸一湯白飯任添，有沙葛春卷、冬菇白菜仔、勝瓜青瓜西芹青椒粒、栗米麻辣豆腐、冬瓜湯及一煲白飯任添，你居然仍可以吃下兩大碗飯，簡直技驚四座。每樣餸都好新鮮、好好味，值得一試架，你也很愛吃呢。
飯後，我地去參觀大佛，行到不斷 "深呼吸" ，幸好今天天氣很好，有很清涼的風不斷吹送，所以不致太辛苦或者行到濕哂。遊了一圈後，我們便走回那長長的樓梯，向昂坪市集進發。昂坪市集沒有什麼特別，反而我倆係星巴克買了一大杯綠茶沙冰，坐在涼傘下休息了一會，真係寫意，我個腦已經浮現了明天不想上班的message 。
休息夠了，我們往纜車站排隊乘纜車回東涌，起初以為排隊的人龍好短，殊不知原來站內還有兩個蛇餅，等了20分鐘左右才上到纜車呢。本來我對乘纜車還有一點興致，但同車的國內朋友實在令我倆興致大減，所以我地只係手拖著手，靜靜的享受這段 "時光" 。
回到東涌，行了一會 outlet，沒有特別的東西想買，所以就乘車回中環了。
回到中環，我地想去莎厘娜餐廳吃晚飯，但要 8 時才有位，所以我地又折返中環，去大會堂的美心經典懷舊西餐廳晚飯，點了牛柳串燒餐及焗豬扒飯餐，每樣都好好味，下次我地要試下他們的金必多湯呢，你著我提你下次帶你媽媽一齊來吃。
晚飯後，乘"叮叮"到銅鑼灣行了一會，就乘小巴回家休息啦 ~

P.S. 今日本地旅遊一日後的感覺係 ----> "我要減肥" 。唔係口號呀 !! 你都要呀 !!你睇下你個大肚腩，大到就黎睇唔到 d 腳指啦 ~~~

2009年10月3日

2009-10-03T23:27:00.000-07:00

今天，你很早已經起床了，先跟你媽媽飲早茶，待下午1時多，就跟我去爸爸媽媽家慶中秋。
到達家中不久，你先把前一天幫爸爸燒錄好的DVD交給他，仲好細心的帶備了你自己的黑色墨水筆讓他寫碟面，真的麻煩你了，唔該哂，我爸爸又開始不停講佢要講的 "故事" 了，很長氣吧。
你買來的金華火腿月餅，爸爸媽媽都很喜歡吃呢，多謝你呀。接著，就到我地家中最大的娛樂，麻雀耍樂是也，你今天運氣好好呀，不斷嬴錢。你不斷嬴錢，我就不斷把食物送上，有湯丸、蘿蔔糕、月餅、冰皮月餅、茶、湯等等，你吃了很多很多，真的飲飽食醉呢。大約6時許，你先行離去，準備跟你媽媽食中秋飯，而我就留在家中跟家人吃中秋飯。
吃過中秋飯，我倆又相約外出一起過中秋節，在尖吵咀會合你後，一起前往維園，我們還以為維園有很多花燈呢，原來只有兩三款而已，很失望呀，又"冇燈籠玩" ，正當我們準備離去之際，才發現原來球場果邊坐滿了人，很多人一家大細圍在一起吃月餅、玩蠟燭、燈籠，行了小小一段路，由於人太多我地就折返了，離開維園時，還兩個人吃一支甜筒呢。
由於明天要早起身送你媽咪機，所以我地就早早回家了 ~

2009年10月1日

2009-10-01T23:27:00.000-07:00

今天是渣打銀行發行面值$150紀念鈔票的日子，原來之前，你也有去趁熱鬧呢。你參予了認購自組鈔票號碼，選擇了用我們開始拍拖的日子作為鈔票編號，很可惜最後落空了，你說你肯花$800但仍抽不中呢 ! 你先前沒有提及過參予認購，目的是希望在一週年那天給我一個驚喜，現在驚喜弄不到，你很失望呢 ! 你說給我知的時候，我真的不知道該給你何種反應，但我心裡確是既開心又驚訝，雖然抽不中，但想不到你會這樣做呢，我是欣賞你那份心意。
下午，我地想約一些朋友去打羽毛球，你說我的技術係 "正常"，我說 "還未發揮應有的水準呀 " 。打了2小時，有一點疲倦呢，不過好好玩。既然我倆都係打得兩板，下次可以在你屋苑 book 場打一小時呢，做下運動，身體都好d 啦。

2009年9月28日

2009-09-28T23:27:00.000-07:00

拍拖一週年啦 ~~ 原來時間真的可以過得很快。
沒有特別的慶祝，沒有豐富的晚餐，只是好似一如以往般吃晚飯，逛逛街，與你去喝感冒茶，就各自回家了。平淡嗎 ? 確是平淡了一點，但誰說平淡就不可幸福呢 ? 雖則平淡，但覺得好滿足呀，只要能共你一起渡過就已經足夠啦。我知道你是有工作在身的，還要搭的士趕來跟我吃飯，有心就得啦，而且昨天亦去了黃金海岸預祝呢。
Happy Everyday and Happy Anniversary

2009年9月27日

2009-09-27T23:26:00.000-07:00

明天才是我們拍拖一週年的日子，但今天先來一個 pre-celebration 。
下午的時候，你要做 lab 同埋睇 video，所以我們五時許才會合。先乘地鐵到深水埗，再轉乘巴士到黃金海岸，沿途你就像一個導遊，替我解說周圍的建築物呢。
到達黃金海岸後，天色亦開始轉黑，我們趕緊拍了幾張相，還看到一艘很美、很豪華的遊艇呢。
行了一圈後，我們就去先前訂了枱的意大利餐廳。在門口招呼的女侍應真的唔知佢想點架，弄得我們全餐的話題都是圍繞她。看看餐牌後，點了salmon salads、dinosaur ribs (half)、hawaii pizza (small) and seafood risotto，我倆最喜愛她們的pizza，而ribs都係西貢的 pepperonis 好味d 。有另一位侍應，好好奇為何我們能吃得下如此多食物，我連忙指著你說，他吃得下的。
吃完晚飯後，我倆乘巴士出荃灣，期間還看到一、兩下的迪迪尼煙花呢，在荃灣行了一會商場，就轉乘小巴回官塘，吃了好好味的許留山才回家呢。

2009年9月26日

2009-09-26T23:26:00.000-07:00

中午的時候，被你的電話吵醒，頭痛了很久。
今天，你先要在家做 lab，所以我就自己去做 body check、換月餅，繼而再自己乘小巴去你家。
原來你做完 lab之後，還幫媽媽洗抽氣機呢，所以打了很多電話給你都冇人接。到達你屋苑後，先去taste買一點水果，因為今天跟你媽媽做中秋節呢，我跟你買完水果後，就一起上你家了。
到達你家，你先去了洗澡，只待下你媽跟我在廳看電視，你媽媽很客氣，請了我吃栗子味雪條呢。不久，待你梳洗完畢後，我倆就到樓下商場看電影，戲票是昨夜在我家上網訂的，我們真的有好幾個月沒有看電影呢，選了 Time Traveller's Wife，我倆都覺得內容平淡了一點，而且有點contradiction呢，但你笑說我仍睇到眼濕濕。
看完電影，先返你家會合你媽媽，再一起到美麗華的東海與你Auntie一家吃晚飯，食物真的不錯呀，熱一點就很好，多謝你的請客呢。
飯後，我倆送你媽媽上小巴後再行了一會尖吵咀，接著你送我乘巴士，再自行回家呢。

2009年9月25日

2009-09-25T23:25:00.000-07:00

晚上，與同學們飯聚後，就趕去接你放學。
見面後，你說想去"金水"食晚飯，心想確是沒有可能等到有位的，經詢問過後，你亦打消了此念頭，改為去apm吃和花亭。
到達和花亭後，女經理說"有位，但係你地一入座就last order架啦喎"，我地問何時last order，原來係11:30，仲有20 分鐘呢，我地照吃可也。其實就只得你自己吃，因為我之前跟同學們吃了放題呢，飽到受不了，所以只係吃下柚子雪糕，同埋飲可樂，而你一個人就吃了烏冬、蛋壽司、燒牛肉壽司、腐皮蟹柳壽司、蔥吞拿魚手卷，夠飽了唄。
隨即，你就送我回家啦 ~

2009年9月22日

2009-09-22T23:25:00.000-07:00

晚上談電話的時候，不知正跟你在說甚麼，忽然講起 "感覺"來。我腦中不其然想起第一眼見你的感覺，那一刻的感覺是非筆墨所能形容的。
這時候，你從電話的另一端說："諗緊咩呀?"。我答道 "冇呀。"。你問我是否想起第一次見面時的情景，我當下大笑了好幾聲 (你說笑咁大聲，你耳都聾 )。你再問係未估中了，當真的為何你會想到我在想甚麼呢，之前又不是講緊這件事，莫非你又同樣地想起那一刻的情景，真的心有靈犀呀。

2009年9月20日

2009-09-20T23:25:00.000-07:00

今天，你會到我家吃晚飯，在這之前你先要去上堂，約了5時左右到我家。
很可惜時候不夠，你未睇完video就要出發到我家了，你說在apm等，咁我就帶姨甥女去apm買點東西再會合你，見到你的時候你拿著一大袋生果，原來你好乖咁去了買生果才上我家呢，我真係很開心你可以如此體貼，錫哂你呀。
到達我家後，媽媽夾了一大碗的薑醋給你吃，我睇見就覺得飽飽了，還預備了一點讓你拿回家給你媽媽試，吃完薑醋後你就跟他們玩一會麻雀。打完麻雀，就到吃晚飯的時間了，姐夫弄了黃金蝦，一向不吃蝦的你也嘗了一隻，你吃了很多飯，仲喝了兩大碗湯呢，個肚腩頓時大了不小。
吃飽後，我爸爸捉住你不停跟你說 "毛澤東語錄"，是不是覺得他很囉唆呢，我地由細到大被他囉唆不少呢，遲一點你就會慣架啦.. 。

2009年9月18日

2009-09-18T23:24:00.000-07:00

今晚，我又去接你放學啦 ~~ 原先，以為去食"金水"，所以我好早就離開媽咪屋企，諗住早點去拿飛仔，好等你一放學就有位吃晚飯。殊不知她們要9:45才開始派發10:00宵夜時段的飛仔，而等候拿飛的人們亦已排了一條長長的人龍，那時候只不過 9:15而矣，所以我打消了拿飛的念頭。
我太早出左門口啦，但你的放學時間係10:00，咁我唯有獨自在街上閒逛啦，天氣實在太熱了，即使在晚上還是覺得很熱，行一會街就要到商場涼一會冷氣。大約9:55，我就在你學校的樓下等你，心想你都應該快放學啦，應該會很快下樓吧，雖然企的位置有好多射燈好熱，但都ok既。等了一會，10:10啦..都未見你，此時收到你的短訊說要再多一會才能走，於是我就去了買雪糕食，食完成個人涼哂、舒服哂，但你仍未出現喎，等到我個人又熱番哂的時間你就出現啦。
我地商量了一會，都係決定乘小巴去apm食晚飯，選了一間餐廳專吃烏冬的，點了海帶、章魚小丸子、餃子、豬扒蛋撈鳥冬，佢地的烏冬真係好彈牙，好好味呢。
飯後，你就送我回家啦。

2009年9月16日

2009-09-16T23:24:00.000-07:00

你回應我說，你媽媽沒有說我有唔好的地方，但願如此啦。
這兩天打電話叫你起身的時候，你應我的聲音，同埋講再見的語調很得意呢，很sweet，很喜歡。

2009年9月15日

2009-09-15T23:24:00.000-07:00

你說你媽媽覺得我對你很好，又說我不會偏食，我再問你佢有沒有講d乜野的時候，你說你忘記了，會唔會係有唔好的野所以你唔講我知呢，還是你真的忘了。

2009年9月13日

2009-09-13T23:23:00.000-07:00

早上9時許，我已經出發去荃灣剪頭髮，剪完頭髮打電話給了，看看是否如你昨日所言，去華仁行下，但你好像記不起曾這樣說過呢，談了一會，都係決定一行三人到尖吵咀飲茶。
飲完茶之後，你媽媽先行回家，你就陪我去了買些日用品，接著一起去書局買了一本你搵了很久的書。之後一起乘地鐵，你上學去，我就回家休息一下。
雖然，今天沒有好像昨日般四處去，但可以見到你就已經很不錯啦，畢竟你都有正經事要做嘛。

2009年9月12日

2009-09-12T23:23:00.000-07:00

今日星期六，我地上山頂去。
中午12時許，在金鐘站等你，會合後，經香港公園行去山頂纜車站。今日天氣實在太炎熱了，你的汗就如瀑布般流下，到達纜車站前，要先去 sport centre 洗個面呢，sport centre 提供洗手的水係冰凍的，甚是涼快。
到達了纜車站，好像只有我倆是香港人，其他都是外國遊客，站內沒有冷氣，很熱呢，很期待纜車的冷氣呀，等了一會終於可以上車啦，但原來車廂都是沒有冷氣的，我不停拿著兩張細小的紙為你"潑涼"呢。沿途風光不錯，仍可清晰地看到九龍半島。
上到山頂，急急腳行出纜車站，朝太平山餐廳的方向走去，因為我地訂枱的時間差不多到了。山頂好大風，好舒服呢。我倆在太平山餐廳點了以下食物作brunch：凱撒沙律加煙三文魚、巨型burger加mushroom、香煎羊架南瓜意大利飯、orange juice and canberry juice，大致上佢地的食物都好美味，但canberry juice 就令我失望了一點，幸好，你都喜歡這一餐呢。
食飽飽後，我地去了山頂廣場，發現那兒開了很多新的食肆，仲開左一間 GOD添，行到頂樓，有一個 green terence 的地方，內裡有一些不用俾錢就可以用的望遠鏡，我倆到達的時候沒有太多人，可以慢慢用個望遠鏡。透過望遠鏡，我地見到你的舊居同埋新居，仲有會所添，你即時打電話給你媽媽，我跟你媽媽說，係山頂看見她在家看電視，但她說她在聽收音機呢。另外再望過右邊，見到尖吵咀碼頭，又見到去開的spasso 露天位，仲好似見到一個疑似係我地識得的waiter，實在太太太厲害啦。
差不多玩完望遠鏡的時候，遊人也忽然間多了，我地轉移陣地去對面的凌宵閣，凌宵閣也裝潢了，多了幾間食肆，食肆的景觀也不錯，下次要同你再來試試呀...... 你請。接著，再行到涼亭的位置看看，期間經過一檔依靠山邊賣畫的地方，佢地係果個位置，居然有一條電話線可以用呢，真神奇。
大約3時許，我地就乘纜車回山腳啦，回程的時候風景更好，因為少了一點霞氣。到達金鐘纜車站時，發覺上山頂的人好多呢，好彩我地早一點去咋。
返回市區，之前的疑似旅行mood冇哂。你帶我到灣仔一間茶餐廳，說她們的奶茶很有名呢，但除了喝奶茶外，你仲叫了一個茶餐呢，我個肚仲飽緊，實在吃不下那麼多東西了，只點了奶醬多，你呀.... 肥仔呀你。
再吃飽飽後，我地行了298商場，很好呀，你終於買到"芒貼"，老闆娘仲幫你貼得很好呢。
為了幫助消化，我地再行行行，再去sogo涼一會冷氣，看一看東西，不久，你便打電話約你媽媽一起吃晚飯了。約了去尖吵咀吃點心呢。見面的時候，發覺我地3個都仲好飽，望住d點心都顯得有點呆滯。
飯後，跟你媽媽去永安看風褸，你媽媽想買很久呢，不是款不對，就是沒有size，今次想我地幫下眼，睇下佢想買的風褸好唔好，看了一會，再試試，確定不錯後，就買下風褸了。
離開永安，先送你媽媽乘車回家，然後我倆再到旺角問一些電話的service，你就送我回家了。
今日真係過得很開心，好喜歡你捉緊我手四處遊走的感覺。去了山頂就像去了遊行，令你在沈悶的讀書生活中舒屈解悶一下。你還有一科就 finish 啦，繼續努力吧，加油呀。

2009年9月9日

2009-09-09T23:22:00.000-07:00

晚上，我跟舊同事吃飯後，回家時打電話給你，那時剛好十時正，就是你要放學的時間了。你說還以為我去接你放學呢，其實我真有想過去接你放學架，但我怕接完你放學，吃點東西，再各自回家的話，大家又會好夜先休息到，你最近好像休息得很不夠，所以還是讓你自己放學回家了。
但後來，你放學後沒有立刻回家呢，反而去了金水吃晚飯( / 宵夜 )，一個人吃了九碟，真的很驚人呢，完全想像到你個肚大左幾多，還食到12時左右才走。你說今天是他們最後一天有半價，所以好想食，好彩我冇接你放學咋，如果唔係又同埋你一齊食，我一定會越來越肥呀。

2009年9月6日

2009-09-06T23:22:00.000-07:00

今晚，你要考試，我就如常回媽咪屋企食晚飯。
知道你考完試之後，會跟你再吃一點東西，所以在家吃晚飯時也吃得不多。大約八時許，收到你的電話啦，恭喜你又完成一科，考埋最後一科就考哂啦。行了一會書店，我地又去了和花亭吃晚飯呢，真係好好味呀 ~ (重複 “好好味” n 次)

2009年9月5日

2009-09-05T23:22:00.000-07:00

今天是你母親大人的生日。
下午六時多，我已到達你住的屋苑，你在商場接了我之後，一齊去了你的會所，要再等你溫習多一會兒。
大約七時，我倆一起會你家會合你媽媽。一進門，跟你媽媽說了“生日快樂”後，就送上我之前在馬莎買的絲巾給她，你沒有叫我準備禮物的，但我都有去買，係未好乖呢 ?
經過一輪商量之後，“終於” 決定了去中環 ifc 的利苑食晚飯，但去到之後才知道沒有留位的，要等到九時後才有枱。我們隨即轉移陣地，行去交易廣場的翠玉軒，期間試過打電話去鏞記，但同樣都要九時後才有枱，而翠玉軒就即時有枱，咁當然選擇翠玉軒啦。
坐下不久，看了看菜單，點了5個餸、1個炒飯和2份甜品，包括有蓮藕餅、乳豬拼盆、好勁酒味的蒸魚頭、涼瓜海參、炒芥蘭、蛋白炒飯、馬仔、擂沙湯丸，三個人食到好飽飽，幸好你媽媽都喜歡這間酒樓呢。
飯後，我地一齊回你家坐，看看電視、看看報紙、食食雪條。

2009年9月3日

2009-09-03T23:21:00.000-07:00

今天係我生日呀。
午夜12時01分，你跟我說了生日快樂。
放工後，約了你在尖吵咀碼頭等，再一起坐船到灣仔三里屯吃晚飯，上年我倆還未拍拖時，也是用同一樣的方法前往三里屯，跟我們的common friends 吃我的生日飯呢。
到達三里屯，我們才研究去那一間餐廳，原來那兒正進行翻新工程，好多的食肆亦已關門，只有4、5間還營業，不過好在我之前上openrice睇過果間餐廳還在，所以我地就選擇了這間餐廳 – Pomme de Terre II。
這晚我地點了周打蜆湯、焗洋蔥湯、香煎鵝肝沙律、焗田螺、燒羊架、扒吞拿魚意大利飯、酒燴車里子配雪糕、法式焦糖燉蛋、咖啡、紅酒。好豐富的一餐，每一樣都好好味，如果意大利飯沒有拌勻薯蓉就更好。
晚飯後，行了一會就返屋企了，咁就平平淡淡過了拍拖後我的 " 第一個 "生日，相比起我跟你的慶祝差很遠，你說是因為今天係平日，你生日係星期六，但係你記唔記得果日都要等你六點幾後放學才去慶祝呢 ? 你繼而說男仔係咁架嘛，那一刻我有點明白為何家姐同姐夫會弄得如此。
你追問了我很多次是否不喜歡你送給我的禮物，我是真的喜歡架，因為我成日覺得自己好少頸鏈。雖然收到禮物的一刻，我難掩失望的感覺。失望的原因跟你在電話談了，不再多說。但其實前兩個星期開始，我已察覺這是沒有可能發生的，因為我看不出你有這個想法，你沒有那種秘密地做完一件事，想給別人驚喜的喜孜孜語氣，知道嗎? 儘然知道可能沒望，但我仍覺得很失望呢，見你整晚的反應，我更加可以肯定是沒有可能了，黯然了很多次呢，最後我都係失落到出不了聲，我不是不喜歡你的禮物，不是嬲你，只是出不了聲。
臨睡前跟你談電話 (已過了我生日)，你說了一句說話令我覺得好像在我失望的感覺上踩多一腳，收線唔講是否可以解決問題呢，我不認為收線後我會有再想講的感覺繼而再打番俾你囉，那一刻真的失望透了、很難受，原來當有問題的時候，你只會閣我再一旁，不會理會我，等我自己自動搵番你。
後來，我決定跟你再談下去，我不想次次都估估下，以為你講的野係我諗的野，然後又好期待咁等等等。我真的不明白，為何計劃了下年要做的事，你到現在還不開個頭實行呢，到底我們在等什麼，你又在等什麼。
你說你會在今年內做，但你知不知道好多野唔早決定係做唔到架呢。我不是在催你，我只係唔明白，你說你有想但又與行徑不符，咁即係點呢?
談了很久後，氣氛才緩和下來，希望你真的明白我想表達些什麼，大家感覺如昔的感覺真好，而我只好繼續 ............ 等。

P.S. 其實都仲有一件開心事，就係我終於收到你親手寫的卡啦，想你送左好耐啦，之前聖誕節又冇、情人節又冇 ~~

2009年9月1日

2009-09-01T23:21:00.000-07:00

你媽媽係剛剛的星期一去了澳門玩。晚上，傾電話的時候，你開左 speaker ，好等我地可以一齊同你媽媽傾下佢去左澳門玩左d乜。傾了一會，你話唔講啦，跟住就走返入房，係電話中我聽到你媽媽說 "咦..散會啦 ?" 。
跟住就只得我地兩個講電話，以下的對白要寫低，因為有點攪笑：-
我 : ..... 你有好多野都唔食。
你 : 唔係呀.. 我咩都食既 ..
我 : 哦 !! 係咩 ...
你 : 我唔食魚、蝦、蟹、同埋雞、鴨、鵝之嘛..
我 : 嘩... 仲唔夠呀

2009年8月30日

2009-08-30T23:20:00.000-07:00

今天，我在家中休息，而你就去做 gym、上video堂，晚上，才相約一起跟你媽媽吃飯。
一起到你家會合你媽媽後，我地就一起去尖吵咀的客家好棧吃晚飯，點了很多餸，吃完飯之後飽得很厲害，下次都係叫少一樣餸就啱了。
飯後，你媽媽先行回家，我地就行了一會街才走。你回到家還溫了一會書才睡覺呢。

2009年8月28日

2009-08-28T23:20:00.000-07:00

晚上，我約了中學的同學仔吃生日飯，放工的時候，打電話給你，原來你成功請了假，下午的時候可以在家溫習，你問我同我一起去飯局可好，咁就當然好啦。
我們相約在九龍塘站，然後再一起前往apm。跟同學們吃過飯後，有人提議到其中一個同學的新居參觀參觀。在這之前，我地先去買了一些糖水。同學仔的新居雖則住了一年，但仍像一間 showroom，設計頗具心思，不錯不錯，下次我地都可以參考下佢的設計，佢用的裝潢師傅同埋造傢俬的公司價錢廉宜之餘，質素亦不錯，下次又可以參考下。眾人不停在屋內去來走去，來來回回看了他的裝潢很多篇，完全都不需要其他娛樂，大概11時多，大家就各自歸家了。
你說你來跟我同學一起吃飯，是因為想share 我的 "happiness"，講 "happiness" 這個字我地係一齊講出聲架，你諗乜野我緊係知啦。

2009年8月27日

2009-08-27T23:19:00.000-07:00

今天早上，在家中仍不能查核到成績，甚是沮喪。如常的打電話給你著你起床，你第一句就向我說恭喜，真的不知怎樣答你，我只知道盡管有一定的信心也不能存在太大的期望，因為太害怕失望了，而且試過滿懷信心等待成績，結果落得慘淡的收場，那種一上一落的心情，實在令人吃不消。
回到公司，仍努力嘗試查核成績，但仍不得要領，真的像熱窩上的螞蟻，坐立不安。11時許，致電弟弟有沒有收到考試局的信，弟弟說還未有，又令我更加著急。
吃過午飯，弟弟跟媽咪打電話來說我已經考到並順利畢業，我真的十分驚訝，驚訝不是成績，驚訝是為何他們會拆掉我的信件，當然，知道考到其他的事情都不需要在意啦 ~ 其中最開心的是有一科仲考得好高分添。
知道結果，連忙第一時間想通知你，但打了兩、三次都沒有人接，接著send 了一個 sms 給你叫你打電話給我，我要直接跟你說。後來，我問你見到我打咁多次給你驚唔驚，你說都有點架，但係後來見到我個 sms 有個 " :)" 就知道係好消息啦。
好開心好開心呀 !!!
亦都多謝你係身邊的鼓勵同埋安慰。

2009年8月26日

2009-08-26T23:19:00.000-07:00

今天收到一個同學通知有一條 link 可以提早查核考試成績。我懷著忐忑的心情回家嘗試去 check 下成績。
回家途中，甚是難捱，心跳得很厲害，透不過氣來，很緊張，所以 send 了一個message給你，你send 回 sms 著我放鬆一點。
回到家，access 唔到就更加緊張，好辛苦，再 send 了一個sms 說我的心實在負荷不了，此時你 send 了 sms 給我說 "u knew, I always stay on your boat."。我真的覺得 release 了一點，好warm呢，多謝你。
晚上，你打電話給我問是否仍未check到，接著你建議幫我check，其實我感到你對我好架，因為你頭痛唔舒服，已經在床上休息緊，你肯起身開電腦幫我check就已經證明你係對我好啦。鍚哂你。

2009年8月26日

2009-08-26T23:18:00.000-07:00

一句 "有我鍚你未得囉" --> lump 哂、開心哂。多謝你。

2009年8月22日

2009-08-22T23:18:00.000-07:00

好不容易才等到今天的來臨，以為可以輕輕鬆鬆好開心咁行我地第一次去的wedding expo，但現實是不消一會我地以被 sales 們轟炸到頭暈暈。
今天，你很早就起床了，先先去了好耐冇去的gym，跟住約朋友吃早餐，再拿相機到尖吵咀維修。大約十二時許，我就跟你同你媽媽去銅鑼灣的百樂門飲茶，好充實呀。
你說百樂門的樓下，有點就像大陸的商場，沒有冷氣，光線暗暗的，人都唔多個，聽落有幾似喎。但原來一上到去，酒樓的環境又好光潔喎，仲有一個全維港景呢，有些人還站近窗邊影相，跟之前大陸商場feel，真係好好好唔同。食物方面，佢地每一碟都很大碟架，味道都唔錯，點了一個$68的set包括一個洗面盆咁大的鳳瓜排骨飯同埋又係好大碟的魚湯菜，d菜好爽架，再加牛肉腸 (好滑)、同埋$38的點心拼盆 (有7樣唔同的點心)，我地3個人食這4樣野食到好飽飽飽飽飽。
飲完茶，你媽媽先行打道回府，我地就去灣仔的wedding expo、家居展及電腦展。由於好熱同太曬的關係，我地都係搭一個地鐵站去灣仔，出站後，已經見到好多人啦，上到天橋，真的有點令人卻步，d人多到呢 ... 不得了。沿路要慢行去會展呢。行了一會，終於到會展啦，好彩絕大部份的人都係去電腦展，所以我地就先去wedding expo。
Wedding expo 的入口位，已經有一些 sales 不停派單張，初時感覺還可以，但當他們不停叫你睇下啦，坐低傾下啦的時候，特別是你見到前面有一排人四萬咁口等你行過去想對你進行喋喋不休的游說攻勢時，你真係唔想行過去囉，個頭仲會開始痛添。之前，有朋友跟我說千萬唔好坐低同佢地傾呀，實走唔到架，而且我地今次都係志在睇下expo係咩一會事，看看各項的價錢，好等有個預算啫，所以都唔需要坐低傾既。後來，我地決定行去酒店的booth睇，那兒的sales 比較有禮貌，又唔會不停咁問你問題，再行行下，我地睇到一款好有意思的請帖添。講真又唔係街市買菜，要俾的錢又唔少，點會一時三刻就可以confirm要d乜呢。但佢地的手法好絕架，好似唔俾時間你諗咁，成日都寫住只限在expo中訂購才有d乜乜優惠，完全足到新人想慳錢的弱點。總之結論係，最好係expo之前，已經target好要去邊間book野，去度再睇睇同自己的預期係未差不多才confirm比較好，如果乜都冇諗過, 冇做過research就走入去，好可能會遇到黑店架。
去完wedding expo就去家居展啦，家居展的規模同我想像中有一點出入，我以為會modern一點，或者多一點新奇特別的展品，但現場所見有點似展銷會囉。我地行行下，見到一部 philips 22" 的電視都唔錯，之前你媽媽說想買一部放在房中，而且果部電視仲有hdmi好似好ok咁，價錢亦只係$1500，你就開始諗下買唔買好，我說不如你打電話俾你媽咪問下啦。想了一會，再諗下我地一陣間的行程後，你就決定買下果部電視咯。
由於電腦展太多人，而且買左電視，所以我地都係先回你家了。係會場的外面，你說可以把wedding expo 的資料 (有兩大袋咁多)放進你的背囊，我初時以為你唔想俾你媽咪見到，因為剛才你媽咪問我地去邊的時候，你都係答電腦展，冇講wedding expo，所以我有咁既以為囉。但原來你話 "梗係唔係啦，係怕我太多野拎太辛苦" ，仲話你媽咪宜得你拿來睇添。。
回到你家，坐低抖一抖後，我地就係你媽咪面前一起篩選先前拿回來的兩大袋資料，你媽媽還一起看呢。睇完一輪之後，就試下剛才買回來的電視機，你媽媽仲煲了蘿蔔水俾我地飲呢。
弄完所有事情，我地決定去東涌行下，因為有幾張地鐵的免費車票快要到期，所以就想先用了它。你媽媽說想看大結局，所以不跟我們去了。
到達東涌後，再轉乘巴士入機場，唔好以為我地行了好多地方呀，我地只係好有誠意咁千里迢迢去到機場食左個板前壽司咁大把就走人咯。食完飯，再乘地鐵返 Austin 站，去尖吵咀食糖水。原先想去糖朝架，但實在太多人了，之後去了 MIX 飲野，要寫低佢地個乳酪好難食。
食飽又飲飽之後，你就送我返屋企啦。

2009年8月20日

2009-08-20T23:17:00.000-07:00

原來我地大家都喜歡對方打電話俾自己，咁我打多d俾你，你又打多d俾我啦。
雖然未必實行到，但都等我寫低先，就係要寫低我地跟住想去旅行的地方啊，次序係台灣 --> 韓國 --> 日本 --> 再去番泰國，唔 ...... 咁我幾時先有機會衝出亞洲呢

2009年8月19日

2009-08-19T23:16:00.000-07:00

今晚，回媽咪家吃飯後，再回自己家換過便服就出門口去接你放學。在你上學的地方樓下，由於太多射燈，弄得我很熱，所以我就去了行下espirt涼下冷氣，繼而再走到大廈的對面街等你。
等了一會，就見你行出黎啦，你四處張望都看不見我，到你差不多想打電話找我的時候，我終於可以避開人群走到你跟前，我接你放學你開唔開心呢。因為我唔想一個星期先見得一、兩次咁少，所以盡可能都想找機會大家見下面。
見到你之後，你提議到金水吃壽司，行到餐廳門口，那時候已經十時多，但門口仍企滿了等位的人，我見明天大家都要返工，著你都係唔好等位了。後來，我地去了北海道活壽司食，佢地的海膽壽司好好味呢，其餘的食物都只係一般ok，我地仍然認為和花亭好味好多。
吃完飯後都十一點幾，你送我至小巴站後，大家就各自歸家了。

2009年8月16日 - 澳門 - Day 2

2009-08-16T23:16:00.000-07:00

早上九時許醒來，有點累還想著是否下樓享用酒店的早餐因為你說想食炒蛋，所以就起床陪你去吃早餐。酒店供應的早餐都ok架，有橙汁無限添飲，有好好味的炒蛋 (如你所願)、香腸，仲有清清腸胃的粥。吃飽飽之後，我地行左去睇下酒店的游泳池、gym room，就返上房繼續瞓覺。大約12時許，才起床梳洗，執拾物品check out。Check out 的時候，我地問酒店可否寄存行李，因為今天我地還有其他地方要去，拿這麼多東西都很辛苦的，所以辦寄存手續比較方便。
辦妥手續後，我地行去官也街食翅，一起身就搵翅刷口，真係豪呀 ! 你介紹去新陶陶食，點了一份清湯包翅、一份紅燒包翅、一份薑汁炒芥蘭，芥蘭真係好好味，我餵你吃了很多呢，而翅我地就比較喜歡清湯的做法，因為有雞湯做底，紅燒的話味就濃了一點。
食完翅，我地就行過少少，食木糠布甸、燕窩大菜糕，你很喜歡吃那木糠布甸呢，我地一齊吃了兩杯。之後，你就帶我行了一會官也街，再行去龍環葡韻看一看葡國人生活的地方，你以前曾經去過，說參觀是免費的，但我地去的時候，不知是否要籌維修費，參觀前需要買入場劵呀，好像沒有什麼特別，我地都係在屋外的地方拍拍照，再影下荷花就走了。沒有去吃豬扒飽呀，因為好似唔係特別好味。
你說由龍環葡韻行去威尼斯人渡假村係好近，所以我地就行去了。烈日當空，你又汗流浹背了，你知我怕囇，所以沿路幫我拿傘，不消十分鐘就行到了。我地急急腳走進酒店大堂，涼一涼冷氣呢。今天比起昨天多了一倍人有多，到處都是人。我地行了一會商場，就去了板前壽司用饍，點了一份海膽刺身飯定食、一份壽司定食、蛋壽司、油漬三文魚壽司。海膽刺身飯同埋油漬三文魚壽司好好味呢。
食飽飽係時候活動下，先先行了一會商場，去了NaRaYa買了3個散子包，2個你用來送你媽媽和 Auntie，一個送給我母親，hehe 抵錫。之後，我地就去了賭場玩角子機，依家有些$10仙一局的機，好抵玩，你先先用了$50元玩，輸哂 ~ 我再用 $100 元，輸下贏下之後得番四十幾蚊，跟著突然俾你贏左一局，balance 又去番有七十幾蚊我地就鬆人了，前後玩了大約半小時。
隨之，我地就乘 shuttle bus 到金沙，再行去巴士站乘巴士至議事亭，話哂去澳門，都要到一到大三巴既。去到議事亭，我地一齊望到有 Haagen-Dazs 的舖頭，又記起有一張九折coupon，所以就走入去食雪糕啦，叫了一份類似香蕉船的物體，3球雪糕有綠茶味、bailey 味同埋車厘子味，唔知點解依家d雪糕咁易溶既，以前都唔係架 ~
食完雪糕向大三巴出發，總算可以再影幾張合照。去完大三巴，就梗係要買d手信啦，我地買了幾盒杏仁餅、花生糖同埋紫菜肉絲鬆餅，店舖的職員的包裝手法真的純熟到不得了，仲係袋的揸手位包了”b ba 紙”，你付了錢，我說待會再給回錢你，你說不用了，是你請我父母吃呢。之後，我還以為我地各自拿自己的手信，殊不知你一手拿了2袋，比起平日有時是我幫你那東西，那一刻真的有少少shock，but 又好 sweet ，我當然讓你拿啦.. 你仲拿到返香港添。
買完手信，我地就乘巴士回酒店，拿之前寄存左的行李，再乘巴士回港澳碼頭。我地好辛苦才迫到上巴士呢。
去到碼頭，出境後，就看看可否乘早一些的船返香港，擾攘了一輪後，都是舒舒服服坐回自己果班船比較好。
在船上，冷氣很大，你拿了你的外套給我穿上，又怕我暈船浪，幫我填了健康申報表，最離奇的是我居然在沒有暈船的情況下，跟你一起寫了整個旅程的行程經過，寫下寫下，就已經到左香港 lu ! 你仲笑說原來我要不停寫野才不會暈船。
返到香港，我地才去吃晚飯，那時候已經十時多，你想去翠華，為了方便大家回家，去佐敦的翠華就最好，晚飯點了生牛肉炒飯，茄汁斑塊燴意粉，仲有一份超長的熱狗，真係飽到唔識講野。
食飽飽後都11點幾，你送我到小巴站後，我就自行回家，而你都另乘小巴回家 (oh.. already miss you )。
澳門2日1夜不停食食食之旅亦就此結束，你說下次再去澳門的話，會同我去住威尼斯人架 (寫低先，呵呵 ~~)。 Good Night !!

2009年8月15日 - 澳門 - Day 1 (下)

2009-08-15T23:15:00.000-07:00

之後，我地再乘巴士出葡京，在巴士上，我地見到彪記，旅遊書介紹它們的腸粉好出名的，就在新葡京的不遠處，看來我們係時候又醫醫肚了。拿拿臨落巴士就走入店舖，點了腸粉燒賣雙拼、牛筋腩粗麵，腸粉真係好滑呢，你說粗麵好好味，我地一邊食一邊睇女排直播，當時係比賽緊中國對波蘭，中國隊又輸左啦，比賽一完結，好多食客一齊埋單呢，我地有9折 coupon 又抵些啦。
行出彪記，正想著要行去新葡京，但係我同你一齊望著同一個方向，說瑪嘉烈葡撻店就好像係對面的巷內，於是我地就發揮小宇宙，再食食食，要了2個葡撻同埋一杯鮮橙汁，價錢都唔平呀，到你買完葡撻後不久，就冇哂貨要等15分鐘才有下一批的葡撻出爐，我地真好彩呢。
食飽飽係時候要walk下啦，嘩.. 真係行左好多地方，先行去新葡京看看，再行去永利，再再行去美高梅。永利商場有一個小小的十二生肖 + 龍的show，每逢一小時出現一次，剛好我地又夠鐘看到。看罷，去了美高梅，有好多熊貓，造型好似功夫熊貓咁，酒店lobby後有一個好大的地方，你說這好似模擬葡萄牙火車站的，我地係賭場玩了一會角子機，贏了點點錢就閃人了。
接著，我地乘的士去新口岸餐廳食葡國菜，雖然之前訂了位，但仍然等一會才有枱，今天似乎很高興，你建議叫半升的 Sangria ，之後再點了招牌羊扒、馬介休炒生菜、葡式焗魚，它們的麵包是免費的，焗得很香脆，你很喜歡吃，仲order了2客，我把麵包從側邊切開一半，給你用來盛著葡式焗魚的蕃茄汁，你好像在吃麵包湯似的，很yummy。飲飽食醉之後，你個樣又變成一個蕃茄。
離開餐廳，我地行去新葡京乘 shuttle bus 到碼頭，再轉乘另一shuttle bus 去新濠天地，等車的時候，負責安排 shuttle bus 的本地人很見談，仲指俾我地睇邊度係四姨太的別墅呢。
去到新濠天地，我地就去拿睇天幕的入場劵，天幕就好似太空館咁，但只可以站著看，有水、有激光效果，整個 show 都ok好睇。
睇完show 已經好夜了，沒有shuttle bus 啦，只好乘的士回酒店 sleep sleep ~~

2009年8月15日 - 澳門 - Day 1 (上)

2009-08-15T23:14:00.000-07:00

早上7時，我就起床梳洗準備出門口，到了7:15就打電話給你，叫你起身。
我地約了在中環地鐵站等，接著才一起去上環港澳碼頭，上船之前，先去了美心吃早餐。在吃早餐的時候，忽然有一個阿嬸低頭望著你，我仲以為佢係想你望下佢繼而問你你對面個位有冇人坐，但居然果位阿嬸原來係你的親戚，仲有一位表妹跟在後面，我地只有傻下傻下咁打左個招呼，你說你表妹的名字與我一樣。
過關後，就上船啦。我帶上暈浪帶之後，就繞著你手臂，後來船公司職員派入境表同埋健康申報表，你知道我怕暈，所以就幫我填妥有關的表格，我只係簽下名就可以啦 ~
到達澳門之後，我地先乘 shuttle bus 到金沙，再由金沙行去漁人碼頭，漁人碼頭一向給我的感覺是很熱鬧的，不知怎的今天人都唔多個，因為天氣好熱又冇風，好快你已經汗流浹背，好在你有帶一把深色的雨傘，擋一擋猛烈的太陽。沒有特別的東西看，我倆拍拍照，行了一會，就返回金沙，乘shuttle bus 去威尼斯人渡假村了。
到達威尼斯人後不久，我地就急急下車，走入去有冷氣的地方，天氣真的很熱呢。進入酒店後，我地就去搵一間餐廳坐下，吃我們係澳門的第一餐。看過幾間食肆的套餐後，我地決定去 Vergnano Italian Restaurant 吃午飯，佢地的2人餐都係三佰幾蚊，已經有4道菜，食物的質素同味道比起香港的一些西餐廳還要好，我地都覺得好好味，好滿意，係好唔錯的一餐，你也很喜歡呢。
飯後，行了一會酒店的商場後，便乘的士往我們下榻的酒店 check in，酒店職員問我們會否加$100入住行政套房，我覺得唔錯呀，你就爽快地說冇問題了，行政套房係大一點，設備又好一點，連拖鞋都靚過普通房架，我地再問酒店職員可否把check out 的時間延遲一點，酒店職員話最多只可以延遲至一時，都好過冇啦。
放下行李，準備一些簡單的隨身物品跟身後，我地就乘的士出發去觀光塔，先前係香港已低價買了入場卷，去到詢問處換飛就可以了。乘電梯上觀光塔前，行經一個promote kitty lab的地方影了幾張相，接著才乘電梯，我們先先去頂樓61樓，看看人家玩 sky walk同埋笨豬跳，跟著才到58樓觀光層，以前曾經到此參觀過，它們有一些小地板裝上透明玻璃讓遊客可看到地面的情況，讓人感受一下觀光塔高度，那時候我還敢行上去的，但今次來到就不敢了，因為它們把地板換上了較大範圍的透明玻璃，畏高的感覺更加強烈，感覺都幾恐怖，係58樓仲可以親眼睇係61樓玩笨豬跳的人的玩命過程，抬頭望參加者站出去，接著隨參加者躍下，一路向下望，真的有點看人家跳樓的感覺。
參觀完觀光塔，我地就乘巴士去二龍喉公園，那兒可以乘纜車到松山山頂，松山山頂再行上一點，就會到達東望洋燈塔。看旅遊書介紹，東望洋燈塔是很美的，但上到去又冇咁樣的感覺，有點舊，都唔似相片中的雪白。天氣實在很囇很熱，汗水不停從背部滑下，太陽囇得想睜開眼也不行，所以影相的時候都係咪起雙眼。返回纜車站時，途經一個小食亭，買了一支水，我地好快就飲哂lu，今天出汗很多，飲水都多，係賭場拿的免費水很多。乘纜車回二龍喉公園，坐了一會乘涼，因為纜車是沒有冷氣的，通風的窗只有小小的一扇，坐完纜車仲更加熱。
(待續)

2009年8月14日

2009-08-14T23:14:00.000-07:00

滿腦子也是你昨晚知道我病後的第一個反應，你不是問我身體怎麼樣，也不是問是否可繼續去旅行，而是反應好快的說 “會唔會傳染我架 ?”。你的反應真的充分反應你對我的關心，觀微知著，又一次令我失望呢。請不要又告訴我你是說笑，一個正常的大人是應該懂得什麼時候說什麼話，你只是關心自己多過關心我而矣。

2009年8月12日

2009-08-12T23:13:00.000-07:00

未出發，先興奮。
今個星期六，就係我地第一次去旅行啦，雖然只係近近地去澳門，但已經好開心啦，因為去旅行的時間只有我同你，唔需要理會其他事，又唔需要趕返屋企，完完全全係自己時間，exclusively stay with you ~~
這幾天已經得閒就執d要用既野，女孩子要用的野點都多過男仔，你話我知其實你冇乜野要帶，而我就要執下洗臉、搽臉的野、防曬、濕紙巾咁，你當然冇乜野要帶啦，因為我帶埋你果份嘛，仲有份package係我度呢。
天氣報告話今個weekend會好天，希望今次天文台係準架啦 ~

2009年8月11日

2009-08-11T23:12:00.000-07:00

這幾天臨睡前，我都早打電話給你，期望我們每天都可以早一點睡，但是仍是一貫的沒有人接聽，一邊等著你回電，一邊給睡魔引誘去睡覺了。
大約睡15分鐘至半小時，我就會自動醒了，可能知道你會大概這個時間打電話給我吧。果然，每次醒來後不久就會收到你的電話呢。
我們真的真的要早一點睡覺啦，太遲睡對身體唔好，對皮膚又唔好，會唔靚架。。。

2009年8月10日

2009-08-10T00:05:00.000-07:00

你好叻呀 ! 你完全知道我諗緊乜，唔使我出聲又知我想點。

2009年8月6日

2009-08-06T01:44:00.000-07:00

買左啦 !! 買左啦 !! 今天放工後，跟你一起去旺角銀行中心 book 左去馬交的package啦。你比我先到達，並已經問了幾間旅行社有關的詳情，因為有些旅行社未能即時出飛外，還要留待明天才可覆實行程，為免麻煩，我地都係去了中旅社出飛，因為佢地唔使等，即時知book唔book到。
我見到你的時候，你仲問我住邊間酒店，之前我地未傾好左囉，唔再諗啦，決定左就做啦，排隊時我地又睇到有些一日的package，跟住就諗到要問下有冇淨觀光塔的飛賣，再傾下坐船的時間，等了大約半個小時多就到我地報名啦，坐下後，我就等你出聲同職員講，職員俾張紙我地寫下一些個人資料，你亦識得寫埋我的資料 (我以為自己填番我個part架 )，跟住你同職員的一問一答，我完全唔使插咀，成個小女人坐係你隔離，等你這位男人"對外溝通" ，最後，好好彩我地有問到有冇淨觀光塔的飛，買package的時候，出埋觀光塔的飛，只需要$50元一張，原價要 $90元架，兩張就摼番成百元。
買完 package，我地去了羽壽司吃晚飯，噢.... 要 black list 佢呀，食左$270，貴之餘食物又唔太新鮮/ 滋味，size 又細，味道好一般，除了皇帝蟹腳壽司外，其餘都好麻麻，食完番到屋企仲好口乾添，都係和花亭抵食，仲唔使咁貴添。
食完飯，行了一會波鞋街，再陪你去數碼通問下部電話的setting，同埋報番學用部電話的course，個職員好唔helpful話你依家唔係客戶唔可以報個course，攪到你發脾氣，我都係第一次見你有脾氣咋，個職員又係衰既個course 係 htc 提供又唔係佢地，係唔係客戶都唔係issue，跟住我地去第二間數碼通問，又俾你報到喎，之前果個職員係未衰呢。
再行多一會，你就送我去油麻地站搭車，而你就係附近搭小巴返屋企，是日行程完滿結束。

2009年8月4日

2009-08-04T01:43:00.000-07:00

好野 !! 終於拿起日曆對一對日期啦 !! 定了15號去澳門、22號去 EXPO !!
希望今個星期四順順利利買埋去馬交的 package啦，又再順順利利15號那天天氣放晴就真係 Good Good 啦。

2009年8月2日

2009-08-02T01:43:00.000-07:00

今天係你考試的日子，由於近日太疲累，你都要睡至11時許才起床，繼而再努力溫書，為晚上的考試作好準備。
而我就在家中休息著，幫爸爸整理一下文件，又準備一下明天見工的衣服及文件。下午，你打電話給我說溫得差不多，快要起行去考試的地方，我就跟你說了很多句 Good Luck 啦 ~~
晚上8時許，你打電話給我話考到啦 ~~ 真替你高興。你問我想唔想見到你，那還用問嗎 ? 下星期六及日都會見不到你喎，當然想啦。咁我地就約了係 apm 等，心想你一定想去食和花亭，見到你的時候，你果然話去食和花亭呢，我係未好聰明呀。
見你咁辛苦考完試，又考得咁好的成績，今餐等姐姐我請你食飯啦 ~~ 吃完美味晚飯後，行了一會，你就送我返家了。

2009年8月1日

2009-08-01T01:43:00.000-07:00

今天，好想見到你，而你係下午的時候說已經溫左今日要溫的書，所以就睇下可唔可以一齊吃晚飯。
你打了電話給你媽媽後，就相約我地3人一起去吃晚飯了，由於你晚上仍想溫習多一會，所以晚飯的地點都選在你家附近。其他食肆人太多，最後我地選了一間人不太多，但還要等上一會才有位的雪園吃晚飯，點了很多餸呢。
晚飯後，你媽媽先行回家，而我就陪你係 club house 的自修室溫書。起初，我在看一本雜誌，同埋一份報紙，你去完洗手間回來後，就拿多兩本雜誌給我看，其中一本仲係有關wedding添，有冇d咩meaning架，問你之後的答案居然係 : "你鍾意睇呀嘛 ...."。噢... thank you，你個答案真係好浪漫囉。
溫完書，再上去你家坐了一會，你跟你媽媽不停叫我食野、飲野，真係增肥咯 ....

2009年7月30日

2009-07-30T01:42:00.000-07:00

我們的感情就像茶包放進熱水中，慢慢滲出味道來。

2009年7月29日

2009-07-29T01:42:00.000-07:00

這幾天雖然見不到你，但我都很開心呢，feel 到你對我好嘛。今天，傾了大家對日後選擇工種的睇法，很開心我地可以坦誠地傾談，仲得出了一個方向呢，有有效的溝通真的很重要。
快快努力溫書吧，考好星期天的考試，就有免費大餐食架啦 ~~

2009年7月25日

2009-07-25T01:41:00.000-07:00

多謝您既 LV 小袋子呀

2009年7月23日

2009-07-23T01:41:00.000-07:00

我唔制呀 !!! 一定關你事，一定唔係我唔帶眼，係你唔好呀 !!
話說今天12時多，你打電話給我問我是否1點鐘開始 lunch time，你話你係大埔，可以過來跟我吃飯，我當然好開心啦，因為係我入火炭 office 後，你第一次跟我吃午飯呢 (依家唔係好笑得出 !!)，就係咁..一點的時候，你就係我公司留下等我。
我地去了 "想不起來"，點了咖哩牛腩、日式豬頸肉定食、柚子蜜，都幾好味，你都喜歡。
回office之前，亦去了便利店買橙汁飲，一切相安無事，直至行到公司的對面街，你又突然間停下轉身話要向另外一個方向行，因為你突然的停下轉身，我右腳鞋踭踩中一條小坑 (工廠區 d 路成日都唔平，好多坑仔)，就係咁我隻腳扭一扭，雙膝即時落地，我"呀"了一聲，但你到我起緊身的時候才知我跌倒囉。我都唔知想嬲定想笑，你唔拖住我行，仲笑住話我唔"圈"住你隻手，你蝦我。
好痛呀，唔止膝蓋，仲有扭到的腳掌，回到公司，我都未出聲，離遠個同事行埋黎問我仲乜個膝蓋紅過紅雞蛋咁，哼.............. 我唔制呀 !!! 仲要 cancel 埋今晚同同學的飯局。
見你之前都已經無原無故心驚驚，好似有事要發生咁，但估唔到係 PK 囉 !! 我鐘意你想起我然後找我吃飯，但唔好又無啦啦停低啦 (心情矛盾中 !!) 哼..... 你快D鍚返我呀 !!!

2009年7月22日

2009-07-22T01:41:00.000-07:00

今日你話忽然好掛住我

2009年7月20日

2009-07-20T01:40:00.000-07:00

你今日親口讚我靚呀... (oh my god, rare 到咁都要寫低 )

2009年7月19日

2009-07-19T01:40:00.000-07:00

中午起來，梳洗一番後，跟媽咪姨甥們去了吃壽司，去之前打了電話給你，原來你已經係自修室溫緊書了，溫完書就去上堂，很勤力呢。
吃完壽司就跟他們行apm (又行apm !!!)，行了一會就回家了。下午6時多，我想你應該差不多放完小息，準備上第二節課，所以打電話給你，你說你不去上第二堂了，想回家溫下書。
大約7時許，聽到你懶洋洋的聲音，一定躺在床上沒有溫習了，我知你自律性高，所以我唔會追住叫你去溫書，你說正想著是否到我家附近吃上海菜。我知你最終都會的，所以著你再想想才打電話給我。大約9時，你再打電話給我說會過黎我家附近，但可能來不及吃上海菜了，最終我地去了你很久前已說會帶我去吃的和花亭，哈哈.. 我就好像吃了2次 dinner 呢，都話食少少囉，你又成日叫人食啦食啦... 你知啦..我好似飲水都會肥架嘛，食咁多野，有排都減唔返啦，不過又真係好食過我朝早吃的板長喎，很喜愛它們的溫泉蛋烏冬、蛋壽司同埋三文魚親子卷，我人你一口我一口的吃下了溫泉蛋烏冬添，你最尾仲飲埋人地個湯。
其實，你專登走過來陪我，我真係好開心架，因為我們下星期也沒有時間見面呢。

2009年7月18日

2009-07-18T01:39:00.000-07:00

今天約了你去我媽咪屋企吃晚飯。
在這之前，12:00 - 3:00 你要在家做 lab，做完之後才可到媽咪家。而我就一直在床上躺著，瞓下醒下至下午一時多，見時間差不多才起身梳洗，然後一起去媽咪家。
你3時許已經打電話給我啦，原來你早做完lab，仲已經 on the way，咁我就約你係 apm 等，一起去吉之島買點生果才去媽咪家，我地買了哈密瓜同埋蘋果，仲有雪糕添。
去到媽咪家不久，家姐一家亦到達了，談了一會，又開始竹戰了，你先先嬴了很多，到後尾就出番一d，你跟我說都係玩下啫，唔使嬴咁多既，所以專登輸番一點。
晚飯，媽咪知道你不吃海鮮特意少煮，反而買了一些你喜歡吃的餸，例如西蘭花，又知道你不懂吃魚，所以就做了魚蛋給你，還煲了你喜歡的葛湯，他們真的很錫你呢。
飯後，談了一會，吃了一點水果，媽咪開了我地買的哈密瓜一齊食，個瓜又幾甜幾口味喎，你選得不錯呢。
見還未掛8號風球，我地就行下apm，去了一間扭蛋的舖頭，我地扭了5個蛋，3個中式點心，你的係最靚的叉燒包，我的係春卷，你媽媽的係煎堆，另外再有2個mos burger 系列的 burger 同埋 coffee，估唔到你會跟我去扭蛋呢 .......... 扭蛋都係入coins好玩過拍八達通。
註：你今天很靚仔呢 (忽然想起你執過我果張相..... dizzy ) 。

2009年7月16日

2009-07-16T01:39:00.000-07:00

在媽咪屋企吃過晚飯後，就回自己家了。回程的時候，打了一通電話給你，你沒有接電話，但今次我反而覺得好喎，因為咁即係有可能你已經回家了，不再在公司，你通常係屋企就聽唔到電話響，係公司就聽到，你冇接電話即係可能你已經乖乖返到屋企休息緊啦 ~ 連日來的 OT，你都未有好好休息過，早D回家，早D休息，最好不過啦。
回家前，我先去買一點日用品，期間你就覆我電話了，你說你想即刻去睡覺，不過都待我回家後才睡，那時候不過十時左右。回家後，跟你談了一會，就著你先睡，因為我仲未執野、又仲未洗澡呢，想著想著，用你的睡眠計算方法，你豈不是會睡上14小時。
我在家攪下攪下都弄到11點幾，腦中閃過你會唔會沒有去睡覺，跟著12點幾再打黎給我呢，都係諗下啫應該唔會掛..，跟住我就去睡覺了。但事實上，我地真係好 "心有靈犀"囉，你真係12點幾打俾我囉，人地仲瞓到矇矇下家嘛。
你說估我應該沒有那麼早瞓，其實我的確有諗過遲D瞓睇下你會唔會打黎架。你說你沒有去睡，反而去了抄下筆記呢，其實之前第一個電話，我已經想問你會唔會溫書，但係見你咁疲累，才改了問你會唔會早D去睡覺休息下，莫非我地又心有靈犀 ?

2009年7月12日

2009-07-12T01:39:00.000-07:00

今天，約了你媽媽飲茶，但因為我在家執屋執得太久，極有可能遲到，所以我打電話給你，說搭的士去你家附近，你說不要趕，照平時乘巴士便可，你媽媽是沒有所謂的，多謝你的體諒呀。
原本想去的茶樓，比平日忽然多了很多人等位，所以我地決定去尖吵咀飲茶。飲完荼之後，唔知你媽媽係未想我地2人世界呢，很識趣的叫我倆行一會街，而她自己就去另外一個地方。最近你很忙碌，連你媽媽都說你好像很少陪我呢。你媽媽真的很心水清呢。
我地行了一會尖吵咀，行了一些小商場，又行了"詩詩縮扒"，我係度笑笑笑，你問我笑什麼，那當然是你有時間陪我啦，雖然你不是全日都陪著我，仲要趕時間返屋企做 lab，但係我都好開心架，因為知你都係想見多一會嘛，為了見多你一會，我決定今天不上 dance class 啦.. 同你行完"詩詩縮扒"後，你買了一些製過的酸蘿蔔給我爸爸，買了一款味道spice一點的蘿蔔給你媽媽，同埋一些壽司，就跟你回家了，後來爸爸話d酸蘿蔔幾好味 (哈哈，當然啦.. 你買架嘛)，回到你家跟你媽媽一起吃壽司，食壽司的時候，你仲開了一支梅酒一起喝添，飲完之後你又變了一個大蕃茄。
更開心的係終於有去澳門的日期啦... 22/8 或者29/8 ，你仲話你會負責 package 的費用，同埋包食一餐翅，其餘的使費才由我俾。
快 d 快 d .... 我要快 d 到8月尾。

2009年7月11日

2009-07-11T01:38:00.000-07:00

今天，我約了2位朋友仔去街街，而你就 plan 左在家溫書。
跟朋友們吃過午飯後，就開始我地購物之旅，試下衫，試下鞋。你打電話問我去了哪兒，我不以為然話你聽我係 G2000，正當我準備去試身室的時候，忽然你係我身邊出現，嚇死我，我心諗點解突然有個咁眼熟的人叫我，真的很 "驚喜"呢，我仲以為以我咁冷靜的性格，已經冇人可以再俾到驚喜我添。
你說你需要出來走走，所以走過黎睇下我囉 (<-- 我真係咁諗架，請別告訴我是為了黃金戰士)，在沒有預期中見到你，真係幾.. "好"呀。

2009年7月8日

2009-07-08T01:38:00.000-07:00

早上七時許，你打電話給我問我去到邊度 ? 嘩.... 嚇得我死死下，以為我睡過頭遲到了。平時，是我打電話叫你起身的，今天，是你打給我 (雖然被你嚇個半死)。
你咁早係因為你剛剛放工呢，我起身的時候你就去睡覺，你由尋日九點開始返工，做了一個通宵，天亮才回家，最近又日日開 OT 至十點、十一點幾，真係怕你做得太辛苦，因為我成日覺得你係要睡好多好多的人，又忙又累又唔夠瞓，又每日咁夜才吃晚飯，真的怕你會捱出病來，看來這個 weekend 都係讓你好好休息比較好。

2009年7月4日

2009-07-04T01:37:00.000-07:00

09年7月5日是我倆相識一週年紀念，但因為星期日你要返學，所以我們提早一天，就在今天慶祝。
昨夜，原先報了名去整你最喜歡的blueberry cheese cake，打算給你一個驚喜，但居然蛋糕學校弄錯了，害我不能如期給你送想喜愛的蛋糕，唯有待下一次吧。期間我都有想過補救方法的，嘗試去apm看看可否買一個細蛋糕，但睇來睇去d蛋糕款好唔吸引，最後去了無印看看，買了一盒蛋糕料，再到吉之島買了其他食材，就急急腳回家準備整一個蛋糕給你 (我係未好乖呀 ? )，但這款box set 的蛋糕沒有之前果款咁好，好似好難食咁 (記住係個款蛋糕的問題，唔係我整得唔好 !! )，最後我都要你點都嚐一口。
今天，我們先去看了一套戲，我地有冇半年冇入過戲院呢 ? 不太記得了。我訂了 "極速緋聞"的戲票，上網看到評語說幾好笑，心想就讓我倆輕輕鬆鬆笑一大餐吧。這套戲差不多讓我們由頭笑到落尾，那小孩真的很會做戲呢... 很開心你都很喜歡這套戲，你開心我也會感到開心的。
看完戲，我地就行路去何文田的 sweet 19 吃晚飯，前一、兩天你還特意親自去booking呢，我地order 了 2 sets dinner，一款係羊肉，另一款係西冷，甜品係 lemon lemington 同埋 blueberry cheese cake，雖然食物的質素差了一點，但只要係跟你一起，吃什麼也沒有所謂啦。最後，你提議去西貢吃甜品，我覺得提議不錯，總覺得今天應該做一些平日不會做的事，所以決定赴行。
乘小巴去西貢，沿路一直下著大雨令興致減了一些. ，因為我不太喜歡走在濕漉漉的街道，原先還以為可以跟你係海邊浪漫地走一圈。今夜，我們沒有去著名的滿記，反而係好有"誠意"咁去了周圍都有的 starbucks，再吃了一遍 lemon lemington 同埋 blueberry cheese cake，為的補償一下晚餐不太好的味道，你說這兩份的甜品比起之前晚餐吃的，好得多呢 .... 很喜歡你也喜歡。
今天，雖然睇完戲要走下10層樓才能回地面，但沿途有你一直扶著我走﹔ 雖然晚餐味道不太好，但係有你同我去西貢再吃一遍，跟你一起時不太好的事，總有它美好及浪漫的一面呀，當然亦期望下一個紀念日更加圓滿啦。
Love you ~

2009年7月3日

2009-07-03T01:37:00.000-07:00

嘻嘻..... 我有秘密行動，今次你實估唔到，我要忍忍忍忍忍.. 唔話你知
Surprise ! Surprise ! Surprise !

2009年6月26日

2009-06-26T01:37:00.000-07:00

今朝一早起身就見到你，懶洋洋的樣子很可愛，仲唔肯起身添。
我地去了 super sandwiches 食早餐，超豐富，有齊哂你想食既野，仲有杯好好味的橙汁，好滿足。食完早餐，我地仲一齊乘地鐵返工添。
回到公司，心想你會唔會打個電話給我呢 ? 平時既你唔會囉，我都係係咁意諗下既啫。點知諗下諗下，電話就響起啦... 真的是你打來呢 ... so sweet
夜晚，臨睡前打電話給你，原來你只放工了不久，而且將 "2日1夜" 變成 "3日2夜" 。
我仲第一次煮野食俾你添，雖然係好普通的"足料"通粉，但都係要寫低既。

2009年6月25日

2009-06-25T01:36:00.000-07:00

下午5時許，你send msn 問我今晚予你吃晚飯可好，心想 : 是要氹下我嗎，因為想見到你，一齊食飯就梗係好啦。由於你沒有那麼早放工，所以我就先行回家等你。
快要八時了，心想你應該差不多到達，致電問你去到那兒，居然你話我知你係你自己屋企附近 .... 攪咩呀，又返左自己屋企先既見到你之後先知道，原來你媽咪去了旅行，所以你就返屋企執左個大背囊，準備係我屋企過一個2日1夜的short trip ，你真係唔使問下我有冇得俾你check-in先架喎 ~~
我地去了德福呀，你終於買了個新電話，個電話真係好唔錯，攪到我都想出番一部，不過，開完d function 唔能夠 close 就已經令我好卻步。買完電話，去了夏麵館食 late dinner，點了鮮肉鍋貼、擔擔麵、五款小食拼盆和菜肉雲吞，食物冇之前咁好食，嘛嘛地，仲要價錢唔平，應該都唔會encore lu ~
食飽飽，再拖住手仔行下街，我地又去了apm，仲係foodcourt兩份食了一碗楊枝甘露豆腐花，你話一碗就夠，因為你只係想食一兩口罷了， ---> ，唔知你覺唔覺呢，其實係你玩緊部新電話的時候，我餵你食左大半碗架，一定唔止一兩口囉，等你既 keep fit計劃再拖耐d 。
跟住我地就返左屋企 lu ~ 你有你玩新電話，我有我玩 happy farm，差唔多夠鐘就 sleep sleep，唔知點解我覺得好甜呀。

2009年6月24日

2009-06-24T01:36:00.000-07:00

今晚，我地去了中環的翠華食晚飯，你話每間翠華的味道都有唔同，所以我地老遠過海去試試它，點了咖哩牛根腩，涼瓜斑腩飯同埋菜，你吃了很多很多呢。
食完飯行了一會 city super，又去了睇電話，似乎你已經選擇了買哪一部電話了，見你係電話鋪 "試"了好耐機添。跟住，我地又去了買雪糕食，green tea 同埋rum酒提子味，你很喜歡呢，你仲講了將會送什麼一週年禮物給我，多謝你的心意。
食飽飽，我地乘渡海小輪去尖吵咀，行了一陣 G.O.D. 就各自回家了。

"唔講唔係因為我覺得睇左你d野唔啱而唔講 (況且我一直都無睇你既野的念頭，今次真的誤打誤撞下 "望到"，我不停 login、logout，亂到都唔知睇緊你既定係我既)﹔而係因為我唔想再知你以前的事，我接受不了處理不到，因為一直在我心目中你的過去係沒有什麼特別的，因為不知道嘛，未覺得係冇野囉，幾好呀，但現在才知道原來我可以介意至此，是因為太愛、太在乎嗎，所以唔講可能比較好。
想到以前我那些相對無意的說話，可能你也同樣有我現在的感覺呢，何解我當時可以將這些唔好的感覺加諸於你呢 ? 真想跟你說對不起。讓我想一想將來我們該如何好好相處吧。"

2009年6月22日

2009-06-22T01:35:00.000-07:00

放工的時候，你打電話給我，話我知我地相識一週年那天，你不能如期送給我禮物，要7月10日才有，我問你點解，你神神秘秘的話 "要由外國飛黎呀嘛.."，真不知道你會做什麼呢，連問你幾時去買都唔講我知
跟住，我話你知你的一週年禮物都同樣不能如期送到你手上，要7月14日才行。你笑說怪不知頭先跟你說要遲d送禮物給你時，你冇偏咀.. 又冇唔開心啦，原來你都要遲。我話我好高貴大方架.. 唔會因為你不能如期送我禮物就發脾氣，唔開心架。其實，你係唔係唔記得左我已經送了你 partial early gift 呢

2009年6月19日

2009-06-19T01:35:00.000-07:00

今天，你公司會裁員，幸好你不在名單之上。
臨近放工的時候，你會係數碼港工作，由於你想行下 PP，所以我地就約左係金鐘等，你似乎真係很喜歡係中環區返工的感覺呢 ..
拖著手仔行了一會 PP，看下東看下西，再商量一下吃些什麼，由於我地都唔係好想食得咁飽，所以決定去灣仔食 all day breakfast 。餐廳的價目加價了許多，差不多多了1/4，不過冇乜所謂啦，第日去少 d 呢間餐廳囉 .. 我地點了 "Full english" 同埋 "mushroom egg set".. 食到好飽飽，為了慶祝你唔在裁員的 list，今次就等本小姐做東吧。飯後，散步落銅鑼灣乘巴士回官塘了，途中又去看了一陣 iPhone。
返到官塘後，我地再行了一會apm，買了雪糕食，你要了low fat 的 cream cookie味，我就要了 green tea，始終都係健康的野係唔好味，你鐘意我的 green tea favour 多d囉 .. 一邊行一邊食雪糕，生活真寫意，但由於d 雪糕好"散"，我地都係坐定定係 food court 食埋才乖乖回家。

2009年6月13日

2009-06-13T01:34:00.000-07:00

LOVELY DAY !!
早上起來，梳洗一番後，大約十時就打電話叫你起身啦.. 因為我地今天要去 Amigo Restaurant 吃 lunch 。
餐廳係開12時正至下午3時，我地12前已經到達銅鑼灣，再轉乘"叮叮"入跑馬地，今天天氣好熱，冇風，又濕，係戶外的時候，就好像身處一個大蒸爐..
行了一會跑馬地後，大約12時，我地就行番去餐廳，一入內，侍應問我們有否訂枱，由於我地冇訂枱，被安排了一個較清靜的位置，自成一閣，下次如果訂枱的話，就可以要求坐露台的位置，今次都唔錯，可以感受一下餐廳的內部裝潢。
先先 order 兩份 set lunch，你order了：牛油果雞肉西柚沙律、什菌清湯、羊鞍、芒果布丁，我就order了：頭盤跟你一樣、帶子菠菜濃湯、西冷、綠茶雪糕，set lunch 包括coffee and 紅酒/ 白酒一杯。
食品還未來之前，侍應先提供熱的toast給我們，又提議幫我們拍照，服務很好，我倆在這華麗的地方慢慢享受著她們的美食。
飯後，我地行出去銅鑼灣，先前你是需要去上堂的，後尾你說待下一次去上堂都冇問題，所以你今天可以陪我一整個下午，我地行了times square, sogo，再轉行ifc，我地係ifc's agens b. cafe 食了一個tea，你仲飲了beer，塊面紅到似一個蕃茄 .. 吻別的時候，我仲聞到你既酒氣呢.. 平時你滴酒不沾，原來都飲得下既

2009年6月10日

2009-06-10T01:34:00.000-07:00

先前，約了你星期一出來，但因為你最近常常 ot 得很夜，怕我久等，所以約了今日放工後出來。
原以為你可準時收工，我地可以去九龍灣閒逛，點知放工的時候，你話我知未走得，要八時左右，最穩陣都要八時半，著我都係係你家附近見比較好。於是為了打發時間，我就行了一圈新世紀廣場，才轉小巴到你家附近。
八時左右打電話給你，心諗如果八時半見到你，咁你應該差不多可以走啦.. 點知你話仲未得，咁我唯有係星巴克飲住野等你啦 .. 最後，你都要 arround 8:50 才到，你到達後，都即刻拖實我隻手，問我想食乜野，有別於平時見到我的時候各有各行，你仲建議食平時你唔會選，但我又好鍾意食的日本野，是否因為知我等左你好耐，所以 compensate 一下呢 ?
你仲同我講，待會可能要再返公司，吓.... 咁難先見到，仲要咁急趕，好彩你同我食完飯之後，冇話即刻要走，仲識得坐多一陣先行，我知你係明我點樣諗，所以坐多一會。係餐廳的時候，我地又講起去澳門的事，看來7月也冇法成行了，你即刻就叫我俾隻手你拖住，我知你想氹番我，亦知你係錫我 (雖然好含蓄 )，包括你咁急趕都要出黎同我食飯，如果唔係因為我明白你對我好，我一早發了你脾氣好耐啦 .. 放左工，等你成2個鐘喎 ~
我明白男人應該事業為重，偶爾提下你唔好成日掛住讀書同埋工作，都係提下，從來都冇好似你講的"港女"咁，埋怨這些，埋怨那些，因為我相信你會懂得處理。
你返到公司後不久，老闆話要請食飯，十點幾、十一點，宵夜呀，因為他們不知道你去了吃飯，所以你唯有硬著頭皮再食過，你就快變成 ---> 啦，噢... 唔係變成，係跟本就是。
你告訴我公司下星期會裁員，我著你不用擔心，是福不是禍，是禍擋不過，見步行步，亦擔心不來。咁要唔要我養住你先呀 ? 但我暫時淨係有錢俾白粥你食咋喎 ..
Take it easy la.. I think you should be fine, always support you

2009年6月3日

2009-06-03T01:33:00.000-07:00

終於考完唒試啦... 從沉悶的書本中，走出來呼吸自由的空氣。
晚上，約了你到銅鑼灣晚飯同埋行街街，好開心又可以同你出去拍下拖啦，因為前陣子我倆都要忙於考試，甚少有閒情逸緻行街，好珍惜這種感覺。
由於你未來到，我就自己行了一圈，這個月來甚少用錢，好想買下d新衫呀 ~ 鞋呀咁~ 但居然一樣野都買唔到，睇極都睇唔啱，不久你來到了，我地就去了魚一丁晚飯，唔知係未太耐冇出街食飯呢 ? 覺得d野食好好味呀，點了一丁拉麵沙律、壽司盛及蔥吞拿魚飯，初時還怕你唔啱食呢，好彩你都話好好味
晚飯後，我地拖住手仔行了一會商場，睇下東睇下西，再去了麻布茶房吃甜品，超飽，超滿足，好開心，因為我地實在好耐冇試過有咁樣的行街街活動啦 ..
最後，你仲送我返屋企添。是日活動完滿結束

後記：
我 : 考完試唔知之後的時間點用好 ?
你 : ....... 睇下d行山路線，或者睇下d去澳門的package囉 ..
我 : 好呀.. 等我聽日返公司睇下 (FINALLY !! 講左成大半年，終於有點眉目成行)

"望下山望下海 MACAU 旅行".... 唔知首歌要唱幾耐先至係呢

2009年5月25日

2009-05-25T01:32:00.000-07:00

晚上，你來電說考試成績有九十幾分，真的替你很高興，"good luck" 係未好work呢 ? 咁我依家就欠你2餐飯咯，一餐係山頂，一餐係discovery bay ，之後你問我在那兒 ? 其實我一早都估到你考完試會黎搵我，亦都估到你想食super sandwiches 。
你終於都考完第一個試了，仲有三個，直至十月。我知道你讀書係好事，勤力都係好事，男人勤奮努力向上係好，而且你有目標嘛，但唔知點解我總是覺得怪怪的。

2009年5月19日

2009-05-19T01:32:00.000-07:00

今天放工後，約了到你屋苑的 club house 溫書，在這之前，先上一上你家。
去到的時候，打擾你媽在吃飯，真係唔好意思，好似我來到了之後，令她急急話已經吃完，快快收起碗筷，其實佢可以繼續慢慢吃都冇問題，唔需要介意喎 ~
可能之前，我送了媽媽親手包的幾隻稯給你地，你媽媽好客氣咁回贈 "鏡記"的魚蓉麵、蝦子麵，同埋花旗參茶俾我，真係太客氣了，我知你媽是對我好的。
接著，我地去了溫書，不知怎的，我覺得好疲累，雙眼的紅根走哂出黎，不太集中精神，但都溫到一點點的，相反你就較我勤力很多。

P.S. 你說唔習慣今日我咁對你，咁你乖 D，對我好 D，我未唔會咁對你囉 ~

2009年5月18日

2009-05-18T01:32:00.000-07:00

今日係 facebook 發現你send 左個心心俾一個女仔

2009年5月14日

2009-05-14T01:31:00.000-07:00

終於過了連續兩天的考期，還欠一科，但我已經有release左好多的感覺。前幾天，同你講，考完之後，星期六去山頂食brunch可好，但你說想吃得開懷一點，不如在你考試完畢後才去，由於我好想relax一下，再問你咁星期四晚 (即今晚)一齊吃飯可好，原來你已經約左人了。現在有了點時間反而不知可以如何打發，真惱人。
心想，何以你會不理會我呢 ? 或是只是剛好有要事呢 ? 我又不停亂諗野啦 ~~ 需知道每年考完試那天對我是何等重要，因為每次我都好好好期待那天晚上的來臨架，因為真係可以好好的relax一下，考試真係好辛苦架，就好似今年，我已經有個同學讀得太辛苦至頭痛，要放棄唔考啦，relax 下對我來說都有點重要的。
亂想一會過後，你就打電話給我，問我考完試接我好唔好，跟住同我一齊吃午飯，你說你會請半天假，原來你都會為我想的，亂諗野的事又一掃而空了。

2009年5月1日

2009-05-01T01:31:00.000-07:00

今天，我去了 poly 的 library 溫書，你就去了睇 video，話睇下遲些少過黎poly join 我。我只告訴你我可能會係3樓，沒有講清楚我的確實位置，不知怎的，我總覺得你是有本事找到我的。大約5時多，溫溫下書的時候，忽然想起你應該到poly了，就係我抬起頭的時候，你就係我隔離位放下背囊，以"勝利"的表情出現，好像要告訴我 "唔使問都找到你了" 。
吃完晚飯後，我地繼續係poly溫書，大約8時多，爸爸打電話來說有一個確診個案，我就寫紙仔話你知，隔了一會，再寫了 "有排都見唔到"，跟住你同我講，不如走囉，睇下有冇口罩賣，我話好呀.. 都集中唔到精神溫書，你再捉住我隻手說，趁呢段時間拍下拖嘛，你講這句說話的時候，個樣好好笑架。
跟住我地就去了佐敦行下，睇下有冇口罩賣，見到條街好多人搵賣口罩的地方呢... 好似有點人心惶惶。

2009年4月29日

2009-04-29T01:30:00.000-07:00

晚上，預祝友人的生日，去了SOHO 的 Cenacolo 晚飯，我地一齊出席了是次的聚會。
放工的時候，打電話給你，你沒有接到，可能忙緊啦，心想唔知你會唔會黎唔到呢差不多去到中環的時候，你終於覆我的電話啦，話語中感到你好急趕，都不敢再追你了，我知道你自己會預時間的，你說8時左右會到，於是我自己慢慢行上去SOHO了。
到了餐廳，跟朋友寒暄了一會，差不多8時了，我不停看著餐廳的門口，看看你來了沒有，怕你找不到餐廳，再打了一通電話給你，你說你在中環，吓.... impossible 喎，沒理由半個小時有多才到達中環，平時你返屋企的時間都好快架嘛，我知你一定有你的原因，所以我都沒有追問下去。當我見到你的時候，我就明白為何你要咁耐才到了，原來你返左屋企換衫呢.. 仲 gel 好個頭，穿得好靚仔咁。席間，開開心心的，談天說地，點了很多美食，吃得很滿足，是因為有你在嗎 ?
我倆乘巴士回家的時候，你說"遲些"帶我去一間好特別的餐廳，要什麼什麼紀念日才去，又不肯說是那一間，我說7月5日去可好，你說好並著我到時提你，唔.... 請問點解你約我但要我提呢冇d誠意
唔知是否最近我地見得少呢 ? 見到你的時候，個心暖粒粒咁，好warm呀，好鍾意攬住你，你有冇同樣咁掛住我呢 ?

2009年4月17日

2009-04-17T01:30:00.000-07:00

起床的時候，發覺燒還未退，只好請一天病假了，好等我晚上有精神上學去。攪好鬧鐘，準備待會再叫你起身。8時多，打電話給你叫你起床，你問我可有好一點，我說還發燒呢，冇力回公司了，你著我再多睡一會。
9時，打電話俾老闆請病假後，就出去看醫生了，醫生居然說不知我感冒還是腸胃炎呢 ? 看完醫生打了電話給你，可能你正忙著呢，沒有接到。11時多，你覆電話問我如何 ? 可會吃點東西 ? 但由於我全身冇力都係唔食野住 lu ~
下午3點許，你打電話問我點 ? 我話晚上我想照返學，但怕冇力氣，你同樣叫我再睡一會，你要工作要掛線了。4時，你再打電話俾我，我問你唔係要做野咩 ? 你說諗起我所以打電話俾我囉，我問你可唔可以接我放學，幫我拿那很重的袋，你說你打電話來就是想跟我說這些 (莫非我地心有靈犀 )，你說我要自己返學，放學就你會接我。
5時多返到 poly，才吃我的第一餐，仲係一碗米粉吃不完，胃氣呀胃氣，你走啦我唔留你啦 ~
上上下堂，心血來潮，看看電話，hehe 真係有你的message話你會約10到，怕你不知我在那兒上堂，所以send了sms話你知我係邊度上堂，你居然好快咁reply 我 ok ，乜你個電話唔係收唔到sms既咩。
10時半，都要你來接我，你對我真係好啦 ~~

2009年4月16日

2009-04-16T01:29:00.000-07:00

下午的時候，已經開始好唔舒服，老闆說我臉色也變了，很想嘔，可能又係胃氣脹吧。甚少於工作時間致電給你，大約3時，打電話給你跟你說我好唔舒服，由於電話接收得不太好，很快就掛線了。心想，你會唔會到晚上先覆番我電話呢，如果係的話，我會唔開心囉，因為有事都找不到你。待一會後，你就覆番電話俾我啦，心想，你都係著緊我的，跟你說我很想嘔，你問我可會先走去看醫生，但礙於公司請假很麻煩，我還是覺得待致放工比較好。
到了6:30 放工時間，你打電話問我仲有冇覺得唔舒服，我當時仲諗緊搭的士還是乘地鐵返屋企好，得知你係大埔，好想同你一齊走呀，但係你仲有工作，還未走得，著我不好等你，於是我就自己慢慢返屋企 lu 。
回到家，躺在床上很久，越來越不舒服，還發燒添。十時左右，很想去休息，慣性睡前再打電話給你，得知原來你已經在我家附近，準備來探我呢 ~ 你來到見到我成身都熱烘烘咁，會唔會心痛呀 ? 其實，係我好唔舒服的時候見到你，好開心呢 ~

2009年4月15日

2009-04-15T01:28:00.000-07:00

考期迫近，仍是沒有準備考試的心情，但總不能常掛住出去玩。因怕有內疚的感覺，縱使不溫書都總想躲在家中，務求蘊釀出讀書的感覺，令自己感覺好些。唔敢講話想見下你，怕一出街，就沒有了溫書時間，雖然係屋企都未必會溫 . . . . . 好矛盾，講講下都唔係好知自己講乜，講講下又好似覺得好耐冇見過你

2009年4月12日

2009-04-12T01:28:00.000-07:00

早上11時起床，不久，你就打電話給我了，問我溫書前跟你媽媽飲茶可好，當然沒有問題啦.. 約了12時半到佐敦彩福飲茶。
飲完茶之後，我地就去了藥房買喉糖，你說你可能唔夠瞓，所以喉嚨有點痕，吃了喉糖就好一點，接著才到你的會所溫書，由於讀書室很多人，所以我地挑了泳池旁的座位溫書，溫到大約6時就收工了，因為約了你媽媽去尖吵咀吃晚飯呢 ~ 溫完書，你的喉嚨痕開始變了少少咳。
飯後，你媽媽先行回家，我倆就行了一會新世界的supermarket 才走。

2009年4月10日

2009-04-10T01:28:00.000-07:00

連續4天的公眾假期，第一天，我地去了南丫島，早上10時多，我地先先去了中環的翠華食早餐，跟住去H&M行下，你買了一副太陽眼鏡送俾我，你話當係相識半年的禮物喎，那未免太便宜了你啦，原先你好似想去眼鏡舖買有牌子的太陽眼鏡給我的呢 ~
接著，我地就行經 IFC，向離島碼頭出發，離遠我地已經望到碼頭附近有一條長長的人龍，心想唔係阿麻咁多人既 ?? 排緊隊的時候先知雖然人好多，但都係等左15分鐘就已經可以上船了，此時，我已經即刻帶左你送的太陽眼鏡呢。
係船上，你不怕隻船拋下拋下仲可以睇到雜誌，我就唔得啦... 要閉著眼挨住你肩膀，半個小時後，終於抵達南丫島啦。。。嘩 !!! 南丫島仲多人過銅鑼灣呀。。不時要行下停下，仲要好忙咁避開D狗，行下行下，又喘下氣咁，終於行到上去風力發電站，我地影左好多相呢，我地倆個有一個同感，就係企係個大風車下面，總係覺得會被佢支漿 "發"到咁。
再行行行，行到洪聖爺灣，吃了好好味的豆腐花，再行行行行行，終於行到去索罟灣，其間我地去了一個涼亭休息，果度好大風好涼爽架，你仲話吹到好想瞓下覺，大約5時多，我地就乘船回程返中環了。
回到 IFC，我地去洗手間整理一下自己後，就行去City Super 買了一個 blueberry 包，同埋一個肉桂包食，唔知我地係未太肚餓呢，真係覺得個兩個包好好味呢 ~ 你就可能係因為我餵你所以覺得好好食啦，接著再去了大會堂乘小巴去般含道的 "莎厘娜餐廳"晚飯，餐廳的佈置很別緻，我地點了兩客晚餐，晚餐價錢唔係好貴，但係就睇得出佢地的出品係唔錯，好似個沙律咁，就已經有兩款火腿、青瓜、蛋、酸菜、薯蓉沙律，實在唔話得呢 ~ 你說這一餐當係 clear 左情人節的晚飯。
食飽飽後，我地再乘小巴到銅鑼灣，搭果架小巴就好似玩過山車咁，拋到呢連你都想 --> ，還未到站，我地就急急係灣仔下車了，因為食得太飽，所以決定係銅鑼灣行了一會再返家。
今日，真係行到對腿仔好攰呢 ~ 夠唒運動呀 ~

2009年4月8日

2009-04-08T01:27:00.000-07:00

你話 "I will do whatever u like"

2009年4月5日

2009-04-05T01:27:00.000-07:00

今天，你要一大清早起床，同我爸爸媽媽飲茶呢 ~
7時正，我打電話給你叫你起身，深怕你會遲到，你知啦，遲到唔好架嘛，我想你係佢地的心目中有一個良好的印象，對你對我都會係一件好事。你好乖，能準時到達，抵鍚。

2009年4月3日

2009-04-03T01:26:00.000-07:00

今夜，我過得很開心，覺得好sweet ，同你一起的感覺，好像有點不同了，有點特別。
今晚，是我倆第一次一齊看演唱會，我們先去 poly u 吃晚飯，跟住才行過去紅館，到達紅館的時候，已經有很多人排隊魚貫入場。入到紅館，發現它的椅子換掉了，現在的椅子有椅背，仲坐得好舒服添，在開場前，你忙於吹脹支吹氣棒棒、影相。。。
不一會，演唱會就開始啦 ~ 我地的位置有一點遠，看得不太清楚，好在你早有準備，預備了望遠鏡，其間好忙咁不停拍動支吹氣棒棒、玩人浪、用望遠鏡睇表演、影相等等，成程我就不停繞著你手臂，有時拍完手，沒有繞到你手臂，你又會示意我繞番，如是者唱了好多首歌，就快近尾聲了，還未見草蜢唱你最鍾意的"我們"，我都怕如果他們沒有唱，你會覺得好掃興，我買飛，就是想可以同你一齊親耳聽到佢地唱這首歌嘛。幸好，忽然響起了疑似"我們"的音樂，我倆忽然一齊對望，一齊問係未呀 ?係未唱"我們"呀 ? ，最終都被我地等到啦，你連忙拿出相機錄下，我以為你雙手要不停顧住錄低過程，沒有空間給我繞住，誰不知你騰出了一隻手拖住我呢，仲好大聲唱歌呀，當唱到 "總會找到心愛那一半"時，你個頭突然挨住我個頭，好冧囉，不久，演唱會就完結啦，我地就準備快快離開紅館，由於樓梯實在好斜，你好好咁拖著我一齊行，你知道嗎 ? 跟著你身後的我，冧滋滋呢 ~
在回程時，我地決定先搭 MTR到旺角，再各自轉小巴回家，你送我到小巴站後就離去了，上車後，我選了單人座位坐下，心想你沒有送我回家都冇所謂啦，因為已經好夜了，而且今晚我已經覺得好開心、好滿足，雖然果一刻我知我自己偏緊咀，不一會我抬頭一望，見你突然間登上小巴，仲著我一起坐雙人位，好surprise呀，我問你仲乜會行番轉頭，你話 "我送你唔好咩 ?" ，好 ~~ 當然好啦 ! 冧唒 ~

2009年3月31日

2009-03-31T01:26:00.000-07:00

晚上，你去了做gym，我就留左係屋企 hea 左一晚，原先打算溫書架，但實在不是狀態，所以又沒有溫了。
你做完gym打電話俾我，閒聊了一會，說你今天買了一樣野俾我，但係要放在你家用既...... 我一頭霧水，都唔明白你講乜野 ~~ 原來你買左最近有賣廣告的按摩墊，買之前試過好好用，又有你同事的coupon，所以就買左了，著我多點上你家用 ...我跟你說 "你多點邀請我上去你屋企，我未上去多點囉"....

2009年3月30日

2009-03-30T01:25:00.000-07:00

上個月講過，話因為你328要做兄弟，所以慶祝拍拖半年的晚飯會改至330，即今晚食，當然我冇期望過你會記得啦，所以星期日再提下你星期一食飯可好，你答我 "都得既.."，顯然你係唔記得之前講過d乜.... 或者根本唔覺得需要因為咁要食飯，而且只係當普通平時約食飯，我也沒說下去為何要食飯，總之，你同我食未得囉... 同埋"食飯"都係一個excuse 啫.......... 此時，你說"天天都係情人節"的原因又在我耳邊響起....
下午，你打電話給我，說可能要很晚才收工，所以可能食唔到飯，你告訴我的時候，我都唔知俾咩反應你好，初時以為7、8點走得，都OK應該食到飯，咁未打算在你公司附近等你囉... 但你說知道我不喜歡在街上等人，著我我最好都係留在家等你比較好，再說可能8時半走得，但結果8時半都未走得呀，弄到九點幾.... 好彩冇係街等咋，最後，我地係大家自己同自己食..
都已經9點，我都唔想你又要走過黎同我食飯，你之前幾日又咁多野做，都未好好休息過，唔通要你係做野做到9點幾後，都要黎搵我嗎 ? 之前你已經話你 exhausted 了... (就算我要，我都唔sure 你肯囉 ~~ )

2009年3月28日

2009-03-28T01:25:00.000-07:00

半年了..... 與你一起半年了。
今夜，與半年前一樣，同樣是下著毛毛細雨，那天，若果不是下著細雨，我倆可能沒有走在一起了。
你當時對感情的確定，拖著我手的感覺，現在還很深刻呢。

2009年3月26日

2009-03-26T01:24:00.000-07:00

今晚，你終於可以去拿改好左的西裝啦，你試穿的時候，我又係你背後傻笑，今次被你從鏡的倒影中見到添.... 又著得你幾靚仔喎
拿了西裝後，我地去了女人街內的一間齋舖晚飯，你說你以前成日光顧的，這間齋舖已經有很耐歷史了，我地點了"鴻圖窩麵”、”齋”、“炒什菌”，另外仲食左齋舖送的糖水 -- 綠豆沙，樣樣野都幾好味架，我覺得好味過功德林，你話下次帶我去佐敦另外一間齋舖試試呢。
晚飯後，我地行左一陣街街，就”各自”回家 lu ~~

P.S. 今日第一次收到你的email 係寫 "Dear xxxxx"，唔係平時既 "Hi"

2009年3月22日

2009-03-22T01:24:00.000-07:00

很開心，因為你晨咁早起身，同我食早餐，仲送我返學

2009年3月21日

2009-03-21T01:23:00.000-07:00

放學後，同你行街街，你買了很多東西呀，有西裝一套，同埋高清DVD一部。跟住就急不及待返你家試機，看了"很久"之前買下的張學友演唱會DVD，你仲抱住我睇添。

2009年3月17日

2009-03-17T01:23:00.000-07:00

"依家你係我既一半，結婚後你係我既全部" <----- 可唔可以依家都係全部呀

2009年3月16日

2009-03-16T01:22:00.000-07:00

Just can say : we both should be confidence